प्रसिद्ध गायक आणि संगीतकार बप्पी लहरी (Bappi Lahiri) यांचे वयाच्या ६९ वर्षी निधन झाले. मुंबईतील एका रुग्णालयात त्यांच्यावर उपचार सुरु होते. त्यांच्या या निधनावर सर्वच क्षेत्रातुन शोक व्यक्त केला जात आहे. अशातच पंतप्रधान नरेंद्र मोदीसह केंद्रीय गृहमंत्री अमित शहा यांनी ट्वीटद्वारे त्यांना श्रध्दांजली वाहली.

पंतप्रधान नरेंद्र मोदी यांनी बप्पी लहरीसोबतचा एक फोटो शेयर करत म्हणाले, “श्री बप्पी लाहिरी जी यांचे संगीत सर्वसमावेशक, विविध भावना सुंदरपणे व्यक्त करणारे होते. त्यांचा जिंदादील स्वभाव सर्वांच्या लक्षात राहील. त्यांच्या निधनाने दु:ख झाले. त्यांच्या कुटुंबियांना आणि चाहत्यांना संवेदना. ओम शांती."

तर केंद्रीय गृहमंत्री अमित शहा यांनी सुध्दा बप्पी लहरी यांच्या निधनावर शोक व्यक्त केलाय. अमित शहा ट्वीटद्वारे म्हणाले, “दिग्गज गायक आणि संगीतकार, बप्पी लाहिरी जी यांच्या निधनाबद्दल ऐकून दुःख झाले. त्यांच्या निधनाने भारतीय संगीत जगतात मोठी पोकळी निर्माण झाली आहे. बप्पी दा त्यांच्या अष्टपैलू गायनासाठी आणि जिवंत स्वभावासाठी लक्षात राहतील. त्यांच्या कुटुंबीयांना आणि चाहत्यांना माझ्या संवेदना. ओम शांती.”