गांधीनगर : पंतप्रधान नरेंद्र मोदी आणि त्यांच्या आई हिराबेन यांच्यातील प्रेम आपण अनेकवेळा पाहिले आहे. इतरवेळी दिल्लीत असणारे पंतप्रधान नरेंद्र मोदी वाढदिवसाच्या निमित्ताने दरवर्षी आई हिराबेन यांची भेट घेतात. यावर्षीही त्यांनी न चुकता आईचे आशीर्वाद घेतले.

शिवसेना प्रवेशावर अखेर उर्मिला बोलली!

गुजराती थाळी आणि नरेंद्र मोदी 
पंतप्रधान नरेंद् मोदी यांचा आज वाढदिवस. त्यांच्या वाढदिवसाच्या निमित्ताने आज, देशभरात विविध कार्यक्रमांचं आयोजन करण्यात आलं आहे. दरम्यान, पंतप्रधान मोदी आज गुजरातमध्ये होते. त्यांनी गांधीनगर येथे आपल्या निवासस्थानी आई हिराबेन यांची भेट घेतली. आईचे आशीर्वाद घेतल्यानंतर त्यांनी आईसोबत दुपारचे भोजन घेतले. फोटोमध्ये दोघांनी पारंपरिक गुजराती थाळी घेतल्याचे दिसत आहे. यापूर्वी अनेक मुलाखतींमध्ये नरेंद्र मोदी यांनी गुजराती पद्धतीचे जेवण पसंत असल्याचे सांगितले आहे.

मीरा-भाईंदर महापालिकेत शिवसेना-भाजपमध्ये राडा

स्टॅच्यू ऑफ युनिटीला भेट
तत्पूर्वी, पंतप्रधान मोदींनी केवाडिया येथे सरदार सरोवर धरणाला भेट दिली. सरदार वल्लभभाई पटेल यांच्या स्टॅच्यू ऑफ युनिटीला भेट दिल्यानंतर त्यांनी तेथील एक व्हिडिओ शेअर केला आहे. गेल्या वर्षी ३१ ऑक्टोबर रोजी पंतप्रधान मोदींच्या हस्तेच स्टॅच्यू ऑफ युनिटीचे अनावरण झाले होते. पंतप्रधान नरेंद्र मोदी यांनी ‘स्टॅच्यू ऑफ युनिटीची भव्यता पाहा. महान सरदार पटेल यांना भारताकडून हे अभिवादन आहे,’ अशा मजकुरासह दीड मिनिटांचा व्हिडिओ ट्विटरवर शेअर केला आहे. या व्हिडिओमध्ये त्यांच्यासोबत गुजरातचे राज्यपाल आचार्य देवव्रत आणि मुख्यमंत्री विजय रुपानी उपस्थित होते.