देशात लवकरत पंजाबसह इतर पाच राज्यांमध्ये निवडणुक होणार आहेत, त्या पार्श्वभूमीवर राजकारण दिवसेंदिवस तापत आहे. या विधानसभा निवडणूकांच्या तोंडावर आज आज पंतप्रधान नरेंद्र मोदी यांनी ANI या वृत्तसंस्थेला मुलाखत दिली आहे. या मुलाखतीमध्ये पंतप्रधानांनी अनेक विषयांवर भाष्य केलं असून त्यांनी पंजाबमधील फिरोजपूरमधील त्यांच्या सुरक्षेत त्रुटी प्रकरणाबाबत (PM Modi Security Breach) प्रश्न विचारण्यात आला तेव्हा त्यांनी या प्रश्नावर बोलणे टाळले. (PM Narendra Modi on Security Breach)

पंतप्रधान मोदी म्हणाले की, मी या मुद्द्यावर मौन पाळले आहे, सर्वौच्च न्यायालय या प्रकरणाकडे गांभिर्याने पाहात आहे यासंदर्भात जे काही विधान केलं तर त्याचा तपासावर परिणाम होईल आणि ते योग्य नाही. न्यायव्यस्थेवर विश्वास व्यक्त करताना मोदी म्हणाले की, काहीही असो सर्वोच्च न्यायालयाची समिती देशासमोर सत्य आणेल, तोपर्यंत वाट पाहावी असे देखील मोदी यावेळी म्हणाले.

दरम्यान ६ फेब्रुवारी रोजी सर्वोच्च न्यायालयाने स्थापन केलेल्या पाच सदस्यीय समितीने पहिल्यांदाच या प्रकरणाच्या तपासासाठी फिरोजपूर येथे घटनास्थळाला भेट दिली होती. या प्रकरणाची चौकशीसाठी सर्वोच्च न्यायालयाच्या निवृत्त न्यायाधीश न्यायमूर्ती इंदू मल्होत्रा यांच्या अध्यक्षतेखाली १२ जानेवारी रोजी समिती स्थापन केली होती.

गेल्या महिन्यात पंतप्रधानांच्या सुरक्षेतील त्रुटीनंतर केंद्र आणि पंजाब सरकारने स्वतंत्र तपास सुरु केला होता. पंजाबने निवृत्त न्यायमुर्ती मेहताब सिंग गिल आणि गृह सचिव अनुराग वर्मा यांची समिती स्थापन केली. तर केंद्राने सुरक्षा सचिवांच्या अध्यक्षतेखाली इंटेलिजन्स ब्युरो आणि एसपीजी अधिकाऱ्यांची चौकशी समितीही स्थापन केली आहे. केंद्रिय समितीने यापूर्वीच तपास सुरु केला होता त्यानंतर हे प्रकरण सर्वोच्च न्यायालयात पोहोचले. सर्वोच्च न्यायालयाने दोन्ही समित्या बरखास्त केल्या आणि निवृत्त न्यायमूर्ती इंदू मल्होत्रा यांच्या नेतृत्वाखाली संयुक्त चौकशी समिती स्थापन करण्यात आली.