पंतप्रधान नरेंद्र मोदी हे एका कार्यक्रमस्थळी उशिरा पोहोचले. तेथे त्यांनी लाऊडस्पीकरच वापरणं टाळलं. ध्वनिप्रदूषणाच्या नियमांचे पालन करण्याचा त्यांनी यातून संदेश दिला. शिवाय उशीर झाल्याबद्दल त्यांनी उपस्थितांची माफी मागितली.
राजस्थानच्या सिरोही येथील अबू रोड भागात त्यांनी रॅलीला संबोधित केले. ध्वनिक्षेपकाशिवाय त्यांनी उपस्थितांना संबोधित केले. शुक्रवारी रात्री १० वाजता मोदी तिथे पोहोचले. मी या कार्यक्रमासाठी उशिरा पोहोचलो, परंतु आपण नियम पाळणे आवश्यक आहे. त्यामुळे आपण लाऊडस्पीकरशिवाय संवाद साधत आहोत, अशा भावना पंतप्रधानांनी यावेळी व्यक्त केल्या. शिवाय, मी पुन्हा येईन आणि तुम्ही दिलेल्या प्रेमाची व्याजासह परतफेड करीन, असंही मोदी म्हणाले.
पंतप्रधान नरेंद्र मोदी यांचा हा व्हीडिओ सध्या व्हायरल होतोय. अनेक भाजप नेत्यांनी त्यांच्या सोशल मीडिया हँडलवर हा व्हीडिओ शेअर केलाय. यावेळी पंतप्रधानांनी स्टेजच्या खाली येत “भारत माता की जय” अशा घोषणा दिल्या आणि उपस्थित लोकांची माफीही मागितली. दरम्यान, या रॅलीसाठी सिरोही, डुंगरपूर, बांसवाडा, चित्तोडगड, प्रतापगड, बांसवाडा, पाली, उदयपूर आणि जवळपासच्या जवळपास 40 विधानसभा मतदारसंघांतून कार्यकर्त्यांची उपस्थिती होती.
राजस्थान दौऱ्यादरम्यान पंतप्रधान मोदींचे सतीश पुनिया, माजी मुख्यमंत्री वसुंधरा राजे, केंद्रीय मंत्री गजेंद्र सिंह शेखावत, विधानसभेतील विरोधी पक्षनेते गुलाबचंद कटारिया आणि त्यांचे उपराजेंद्र राठोड यांनी स्वागत केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.