लखनौ: कोरोना व्हायरसच्या पार्श्वभूमीवर देशात 17 मे पर्यंत लॉकडाऊनची घोषणा करण्यात आली आहे. लॉकडाऊनदरम्यानही अनेकजण नियमांचे पालन करताना दिसतात. ठिकठिकाणी नियम न पाळणाऱयांवर पोलिस कारवाई करताना दिसत आहेत.
लॉकडाऊनच्या काळात नियमांचे पालन न करणाऱ्यांना पोलिस वेगवेगळ्या प्रकारची शिक्षा करताना दिसतात. संबंधित व्हिडिओ सोशल मीडियावर व्हायरल होताना दिसतात. पण, लॉकडाऊनचे पालन न केल्यामुळे दिलेली शिक्षा पोलिसांनाच महागात पडली आहे. उत्तर प्रदेशमधील इटावा येथील पोलिसांनी एका युवकाला लॉकडाऊनचे उल्लंघन केल्याप्रकरणी ताब्यात घेतले होते. शिक्षा म्हणून त्याला पोलिस चौकीतच सपना चौधरीच्या 'तेरी आख्या का यो काजल.' या गाण्यावर डान्स करायला सांगितला. युवकानेही जोशात डान्स केला. यावेळी पोलिसही त्याला प्रोत्साहन देत होते.
दरम्यान, संबंधित सोशल मीडियावर व्हिडीओ व्हायरल झाल्यानंतर टीका होऊ लागली. यानंतर प्रभारी पोलिसाला निलंबित करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.