नवी दिल्ली - प्रामाणिकपणे कर भरणाऱ्यांसाठी पंतप्रधान नरेंद्र मोदी ''पारदर्शी कराधान - ईमानदार का सन्मान'' नावाच्या एक मंचाचे (पोर्टल) उद्या (ता.१३) व्हिडीओ कॉन्फरसिंगद्वारे उद्घाटन करणार आहेत. पंतप्रधान कार्यालयाने (पीएमओ) याबाबतची माहिती कळविली आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

उद्घाटन कार्यक्रमाला अर्थमंत्री निर्मला सीतारमन व राज्यमंत्री अनुराग ठाकुर हेही उपस्थित राहतील. या नव्या योजनेमध्ये प्राप्तिकर विभागाचे अधिकारी, लेखापरीक्षक महासंघ व वाणिज्य जगतातील नामवंत संस्थांचा सहभाग असेल. हा नवा मंच म्हणजे करभरणा करण्यातील ब्रिटिशकालीन क्‍लिष्टता टाळून ही प्रक्रिया सुलक्ष करण्यासाठीचे पाऊल असणार आहे. मोदी सरकारने मागील वर्षी उद्योगांवर लावण्यात येणारा कॉर्पोरेट टॅक्‍स ३० टक्‍क्‍यांवरून २२ टक्‍क्‍यांपर्यंत व नव्या उद्योजकांसाठी तर तो १५ टक्‍क्‍यांपर्यंत घटविण्याचा निर्णय केला होता.

काँग्रेसनं बब्बर शेर गमावला; प्रवक्ते राजीव त्यागी यांचे निधन

नव्या योजनेत कर कमी करणे व प्रत्यक्ष कर कायदे आणखी सुलभ करण्यावर भर राहील. याशिवाय प्राप्तिकर विभागाच्या कामकाजात अधिक पारदर्शकता व दक्षता आणण्याचेही प्रयत्न केले जाणार आहेत. दिर्घकाळ प्रलंबित असलेल्या थकित करदात्यांसाठी या विभागाने ‘विवाद से विश्‍वास अधिनियम २०२०'' यापूर्वीच सादर केला आहे. 

Edited By - Prashant Patil