मुंबई : 'एमएस धोनी अनटोल्ड स्टोरी' या चित्रपटात धोनीची हुबेहुब भूमिका साकारुन त्याचा जीवनपट तमाम भारतीयांना दाखवून देणारा अभिनेता सुशांत सिंह राजपूत याने आपल्या राहत्या घरी आत्महत्या केली. ही घटना बॉलीवूड तसेच क्रिडा जगताला धक्का देणारी आहे. तणावातून सुशांतने आत्महत्या केल्याचे समोर आले आहे. सुशांत सिंह राजपूतच्या शवविच्छेदन अहवालातील प्राथमिक माहितीनुसार त्याने आत्महत्या केल्याची पुष्टी झाली आहे. त्याचे अवयव तपासणीसाठी जेजे रुग्णालयात पाठवण्यात आले आहे. त्याने ड्रग्स किंवा अन्य विषारी पदार्थाचे सेवन केले होते का याची तपासणी केली जाणार आहे. डॉ. एन आर कुपर सुशांतचे शवविच्छेदन (पोस्टमार्टम) करणार असून या अहवालातून आणखी काही माहिती समोर येणार का? हे पाहणे महत्त्वाचे ठरेल. 

धोनी फेम सुशांतची अनटोल्ड एक्झिट...

वांद्र्यातील राहत्या घरीत सुशांतने पंख्याला दोर बांधून गळफास लावून घेत आपल्या आयुष्याचा प्रवास संपवला आहे. या प्रकरणाचा तपास  मुंबई पोलिस झोन 9 चे डीसीपी अभिषेक त्रिमुखी करत असून त्याच्या खोलीमध्ये कोणतीही संशयास्पद वस्तू मिळाली नसल्याचे त्यांनी स्पष्ट केले होते. सुशांत सिंह राजपूत याच्या कुटुंबियांच्या वतीने एक निवदन जारी करण्यात आले आहे.

सुशांतला होता हा त्रास... नियमित घ्यायचा टॅबलेट्स

आम्ही त्याच्या चाहत्यांना प्रार्थना करतो की त्याचे विचार आणि काम सदैव लक्षात ठेवा. दुख:च्या प्रसंगी खासगी आयुष्य जपण्याची खबरदारी प्रसारमाध्यमांनी घ्यावी, अशी विनंतीही सुशांत सिंह राजपूत याच्या कुटुंबियांनी केली आहे. सुशांतचा जन्म पटनामध्ये झाला होता. 2000 च्या सुरुवातीलाच त्याचे कुटुंबिय दिल्लीमध्ये स्थायिक झाले. त्याला 4 बहिणी आहेत. त्यातील मीतू राज्यस्तरावरील क्रिकेटपटू आहे.