नवी दिल्ली : महाराष्ट्रात महाविश्वासघातकी आघाडी सरकार आहे व लोकच असे सरकार बाजूला करतील, असे भाकीत ज्येष्ठ भाजप नेते व माजी केंद्रीय मंत्री प्रकाश जावडेकर यांनी आज वर्तविले. इतके संधीसाधू, कुचकामी, अनैतिक व जनविरोधी सरकार महाराष्ट्राने आजतागायत पाहिलेले नाही असेही ते म्हणाले.
जावडेकर यांनी दिल्लीत राष्ट्रीय माध्यमांशी बोलताना राज्य सरकारवर हल्ला चढविला. ते म्हणाले, की राज्यातील सरकारला पेट्रोलपेक्षा विदेशी दारू स्वस्त करणे महत्वाचे वाटते. राज्याचे मुख्यमंत्री अदृश्य आहेत. त्यांनी निवडणुकीत आपली खरी संपत्ती दडविल्याचे प्रकरण निवडणूक आयोगाच्या विचाराधीन आहे.
राज्याचे गृहमंत्रीच ६ महिने फरार राहातात व नंतर तुरूंगात जातात, असे देशात अन्य कोणतेही राज्य नसेल.मुख्यमंत्र्यांच्या स्वीय सहायकाचा बंगला गैरमार्गाने गैरमार्गाने बांधल्याचे उघड झाले. दुसऱ्या मंत्र्यांनीही सीआरझेड कायद्याचे उल्लंघन करून आलिशान रेस्ट हाऊस बांधले. असे कित्येक मंत्री आहेत.
महाराष्ट्रात यापूर्वी इतके भ्रष्ट, निष्क्रिय, अनैतिक सरकार झाले नाही. दोन वर्षांचा यांचा कारभार पाहून लोकांनी या सरकारला महावसुली आघाडी असे म्हटले. ही महाविश्वासघातकी आघाडी आहे कारण जनतेचा त्यांनी विश्वासघात केला. राज्यात कुशासन आहे.
- प्रकाश जावडेकर, ज्येष्ठ भाजप नेते
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.