नवी दिल्ली - ‘लोकसभेतील सदस्यसंख्या ५४३ वरून एक हजार करण्यात यावी, त्याच प्रमाणात राज्यसभेतील सदस्यांची संख्याही वाढवावी,’’ असे मत माजी राष्ट्रपती प्रणव मुखर्जी यांनी आज व्यक्त केले.
इंडिया फाउंडेशनने आयोजित अटलबिहारी वाजपेयी स्मृती व्याख्यानात मुखर्जी बोलत होते. ते म्हणाले, ‘‘लोकशाहीत स्थिर सरकार देण्यासाठी बहुमत मिळते,
बहुसंख्याकवादासाठी बहुमत मिळत नसते. राजकीय पक्षांनी बहुसंख्यवादी होऊ नये म्हणूनच पूर्ण बहुमत मिळत नाही. हाच संसदीय लोकशाहीचा संदेश असून, लोकशाहीचा आत्माही आहे.’’
‘लोकप्रतिनिधींचा मतदारसंघ खूप मोठा असतो, त्यामुळे एवढा मोठा मतदारसंघ सांभाळणे लोकप्रतिनिधींच्या आवाक्याबाहेरचे असते. त्यामुळेच लोकसभेच्या मतदारसंघांची संख्या वाढवणे हा त्यावरचा एकमेव पर्याय आहे. त्यामुळे लोकसभेच्या मतदारसंघांची संख्या एक हजारपर्यंत वाढविण्यात यावी. यापूर्वी १९७७ मध्ये लोकसभा मतदारसंघांची संख्या वाढवण्यात आली होती. त्यानंतर लोकसभा मतदारसंघांची संख्या वाढवण्यात आलेली नाही. १९७१च्या जनगणनेच्या आधारे १९७७ मध्ये लोकसभा मतदारसंघांची संख्या वाढवण्यात आली होती, त्या वेळी देशाची लोकसंख्या ५५ कोटी होती. आता देशाची लोकसंख्या दुप्पट झाली आहे, त्यामुळे मतदारसंघांची फेररचना होणे गरजेचे आहे,’’ असे मुखर्जी म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.