आदिवासी समुदायाच्या द्रौपदी मुर्मू आज देशाच्या १५ व्या राष्ट्रपती पदी विराजमान झाल्या आहेत. भारताची प्रथम नागरिक बनण्याचा त्यांचा प्रवास अत्यंत संघर्षमय आहे. त्यांचा स्वभाव, त्यांच्या लहानपणीचे किस्से, त्यांच्याच जवळच्या काही व्यक्तींनी शेअर केले आहेत.
त्यांच्या शाळेतलेही काही किस्से समोर आले आहेत. द्रौपदी मुर्मू यांचे वडील बिरांच टुडू उपेरबडा गावात प्रधान होते. त्यांचं कुटुंब गरीब होतं. मुर्मू यांच्याकडे शाळेत घालून येण्यासाठी एकच फ्रॉक होता. त्यांच्याकडे कम्पास बॉक्सही नव्हता. तेव्हा शाळेकडून तो त्यांना देण्यात आला. जी मुलं पुस्तकं खरेदी करू शकत नाहीत, त्यांच्यासाठी शाळेत बुक बँक असायची. तिथून विद्यार्थी पुस्तकं उधार घेऊन अभ्यास करू शकतात. मुर्मू यांनीही या बुक बँकमधून पुस्तकं घेऊन अभ्यास केलाय.
पुढेही त्यांनी शिक्षणासाठी मोठं काम केलेलं आहे. २००९ ते २०१५ या सहा वर्षांमध्ये द्रौपदी मुर्मू यांना आपल्या परिवारातल्या पाच जणांच्या निधनामुळे मोठं दुःख सहन करावं लागलं. या काळात त्यांनी आपल्या घराचंच रुपांतर एका शाळेत केलं आणि या शाळेसाठी आपली सासरची सगळी संपत्ती दान केली. आपला पती आणि मुलांच्या आठवणीत ही शाळा उभारण्यात आली. या शाळेमध्ये १०० च्या आसपास गरीब मुलं शिक्षण घेतात. या शाळेसाठी मुर्मू यांनी साडेतीन एकर जमीन दान केली. ही शाळा मुर्मू यांची मुलगी इतिश्री यांच्या एका ट्रस्टकडून चालवली जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.