चेन्नई : मंदिराच्या परिसरातच गांजाचा धंदा (Ganja Selling) चालत असल्याची माहिती समोर आली आहे. पुजाऱ्याच्या वेशात गांजा विकत असलेल्या एकाला चेन्नई पोलिसांनी (Chennai Police) अटक केली असून मंदिराच्या परिसरात गांजाच्या पुड्या बनवून विकण्याचे काम सुरू होते.

रोयापेट्टाह येथे एक व्यक्ती पुजाऱ्याच्या वेशामध्ये गांजा विकत असल्याची गुप्त माहिती पोलिसांनी मिळाली. त्यानुसार गांजा खरेदी करण्याच्या बहाण्याने पोलिसांनी या व्यक्तीला गाठले. त्यानंतर दामूने वृत्तपत्राच्या पॉकेटमध्ये भरलेला गांजा अधिकाऱ्यांना पुरवला. तेव्हा त्याला रंगेहाथ अटक करण्यात आली. त्याच्याकडून पोलिसांनी सात किलो गांजा जप्त केला आहे. तसेच दामूकडून मिळालेल्या माहितीच्या आधारे त्याच्या दोन साथीदारांनाही ताब्यात घेण्यात आले. एम. राजा आणि ए असाईथाम्नी असे इतर दोघांची नावे आहेत.

आरोपी दामू हा वेळोवेळी त्याची जागा बदलून पोलिसांनी चकवा देत होता. तसेच त्याचे दोन साथीदार हे ड्रग्स तस्कर असून ते आंध्र प्रदेशातून ड्रग्सची तस्करी करत होते. राज्य पोलीस विभागाने गेल्या दोन आठवड्यांपासून नशामुक्तीच्या विरोधात मोठ्या मोहिमेत सहभाग घेतला असून 1400 किलो गांजा जप्त केला आहे. त्यांनी गुटखा आणि गांजा विक्री करणाऱ्या 5000 हून अधिक लोकांना ताब्यात घेतले आहे.