नवी दिल्लीः पंतप्रधान नरेंद्र मोदी आज (रविवारी) सुरत आणि वाराणसी येथे दोन दिवसांच्या दौऱ्यावर आहेत. ते १७ डिसेंबर रोजी सकाळी ११.१५ वाजता सुरत डायमंड बोर्सचं उद्घाटन करतील. तसेच सुरत इंटरनॅशनल एअरपोर्टवरील नव्याने बांधण्यात आलेल्या इंटिग्रेटेड टर्मिनलचं उद्घाटन करतील.

इंटिग्रेटेड टर्मिनल बिल्डिंगला सुरतची स्थानिक संस्कृती आणि परंपरेसोबत जोडण्यात आलेलं आहे. या टर्मिनलच्या माध्यमातून १२०० डोमेस्टिक आणि ६०० इंटरनॅशनल पॅसेंजर्सना हाताळण्याची क्षमता असणार आहे. तसेच या टर्मिनलची वार्षिक प्रवाशी क्षमता ५५ लाखांपर्यंत वाढण्यात आलीय.

पंतप्रधान नरेंद्र मोदी सुरत डायमंड बोर्सचं उद्घाटन करणार आहेत.जगातील हिऱ्यांच्या दागिन्यांचं हे सर्वात मोठं केंद्र ठरणार आहे. कच्चे आणि पॉलिश केलेल्या हिऱ्यांसोबतच दागिन्यांच्या बाजाराचं सुरत जागतिक केंद्र होत आहे. डायमंड बोर्समध्ये आयात-निर्यातीसाठी स्टेट ऑफ द कस्टम क्लिअरेन्स हाऊस, रिटेल ज्वेलरी बिझनेससाठी ज्वेलरी मॉल, जागतिक बँकिंग आणि सिक्योर वॉल्टची सुविधा देण्यात आलली आहे.

त्यानंतर पंतप्रधान वाराणसीला पोहोचतील. तिथे साधारण साडेतीन वाजता विकसित भारत संकल्प यात्रा आयोजित करण्यात आलेली आहे. सायंकाळी ५.१५ वाजता ते नमो घाटावर काशी तमिल संगमम २०२३चं उद्घाटन करतील. त्यानंतर १८ तारखेला सकाळी १०.४५ वाजता मोदी स्वर्वेद महामंदिरात जातील. पुढे साडेअकरा वाजता एका सार्वजनिक कार्यक्रमामध्ये मोदींचा सहभाग असेल.

दरम्यान, सुरतच्या डायमंड बोर्समुळे मुंबईतील रोजगारावर परिणाम होणार आहे, अशी भीती शरद पवारांनी व्यक्त केलीय. सातत्याने उद्योग गुजरातल्या नेण्याच्या मुद्द्यावरुन त्यांनी भाजपवर टीकास्र सोडलं.