लखनौ : नागरिकत्व कायद्याविरोधात (सीएए) सुरु असलेल्या आंदोलनाने हिंसक रुप घेतले असून, आज (गुरुवार) लखनौत झालेल्या आंदोलनावेळी पोलिस चौकीलाच आग लावण्यात आली. तसेच अनेक वाहनांची तोडफोड करण्यात आली आहे.
पंतप्रधान नरेंद्र मोदी यांच्या नेतृत्वाखालील भाजप सरकारने सीएए आणि एनआरसी हे दोन कायदे लागू केले आहेत. सीएएनुसार पाकिस्तान, बांगलादेश आणि अफगाणिस्तानील बिगर मुस्लिम नागरिकांना भारताचे नागरिकत्व मिळणार आहे. मुस्लिमांचा यामध्ये समावेश नाही. या कायद्यावरून सध्या देशभर आंदोलन होत आहे. आज दिल्ली, बंगळूर, लखनौ, मुंबई या शहरांत तीव्र आंदोलन पाहायला मिळाले.
लखनौमध्ये झालेल्या आंदोलनाला हिंसक वळण लागले. पोलिसांनी शहरात जमावबंदीचे कलम 144 लागू करूनही मोर्चा काढण्यात आला. या मोर्चाला हिंसक वळम लागले. आंदोलकांनी अनेक गाड्यांना आग लावत पोलिस चौकीही जाळली. जमावाला पांगविण्यासाठी पोलिसांना लाठीमारही करावा लागला.
पोलिस महासंचालक ओ. पी. सिंह यांनी म्हटले आहे, की शहरात आज कलम 144 लागू करण्यात आले असून, कोणालाही समुहाने जमण्याची परवानगी देण्यात आलेली नाही. तसेच आंदोलनात सहभागी होणाऱ्या विद्यार्थ्यांच्या पालकांना विनंती आहे, की त्यांनी आपल्या मुलांना समजावून सांगितले पाहिजे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.