नवी दिल्ली : मागच्या शनिवारी उत्तरप्रदेशमधील यमुनापूरम येथे एका महिलेची हत्या करण्यात आली होती. या प्रकरणाच्या एका आठवड्यानंतरही याची चर्चा चालू आहे. कारण यामागचा सूत्रधार दुसरा तिसरा कुणी नसून त्या महिलेचा मुलगा होता. चौकशीत त्याने पबजीच्या नादात आपल्या आईचा खून केल्याचं समोर आलं आहे. पबजी खेळण्यास नकार दिल्याने त्याने आपल्या आईची गोळ्या झाडून हत्या केली होती. त्यानंतर राष्ट्रीय बाल अधिकार संरक्षण आयोगाने माहिती तंत्रज्ञान मंत्रालयाला पत्र लिहिले आहे.

(PUBG Controversy)

राष्ट्रीय बाल अधिकार संरक्षण आयोगाने मीडिया रिपोर्टच्या अनुसार इलेक्ट्रॉनिक आणि माहिती तंत्रज्ञान मंत्रालयाला पत्र लिहिले आहे. त्यामध्ये त्यांनी पबजीवर बंदी घालण्याची मागणी केली आहे. या पत्रात लिहिलं आहे की, "भारतात बंदी घालण्यात आलेला एक खेळ अजूनही लहान मुलांसाठी खेळण्यासाठी उपलब्ध आहे. आयोगाने लवकरात लवकर यावर कारवाई करण्यासाठी सूचना देण्यात याव्यात आणि दहा दिवसाच्या आत अशा खेळांची यादी जाहीर करण्यात यावी." अशी मागणी बाल संरक्षण कार्यालयाने केली आहे.

दरम्यान मागच्या शनिवारी उत्तरप्रदेशमध्ये एका महिलेची हत्या करण्यात आली होती. लखनऊमधील यमुनापूरम येथील साधना सिंह या महिलेची गोळ्या झाडून हत्या करण्यात आली होती. ही हत्या त्या महिलेच्या मुलानेच केल्याचं चौकशीतून पुढे आलं आहे. त्यानंतर बाल अधिकार संरक्षण आयोगाने केंद्र सरकारला पत्र लिहित अशा खेळांवर कारवाई करण्याच्या सूचना देण्याची मागणी केली आहे.