लखनऊ : उत्तरप्रदेशमधील भाजपचे खासदार बृजभूषण सिंह यांनी पुन्हा एकदा मनसे अध्यक्ष राज ठाकरे यांच्यावर निशाना साधला आहे. राज ठाकरे यांनी उत्तरप्रदेशातील कामगारांची माफी मागितल्याशिवाय आयोध्येतील राम मंदिरात प्रवेश करू देणार नाही अशा इशारा त्यांनी दिला होता त्यावर अजूनही ते ठाम आहेत. आज शिवसेनेचे खासदार संजय राऊत हे बृजभूषण सिंह यांची भेट घेणार आहेत.

(Brij Bhushan Sharan Singh On Sharad Pawar And Raj Thackeray )

दरम्यान बोलताना "शरद पवार हे माझ्यासाठी वडिलधाऱ्या माणसांसारखे आहेत ते देशातील मोठे नेते आहेत. त्यांच्याकडून राज ठाकरे यांनी काहीतरी शिकावं." असं बृजभूषण सिंह म्हणाले आहेत. पण राज ठाकरे यांनी माफी मागितल्याशिवाय त्यांना आयोध्येत पाऊल ठेवू देणार नाही असा इशारा त्यांनी दिला आहे.

"जोपर्यंत ते माफी मागणार नाहीत तोपर्यंत ते आयोध्येत येऊ शकणार नाहीत, एकवेळ त्यांची आई आली तरी त्यांनी सोडू पण त्यांनी माफी मागितल्याशिवाय त्यांना आयोध्येत येवू देणार नाही." असा इशारा त्यांनी केला आहे. "त्यांनी मुख्यमंत्री, पंतप्रधान मोदी नाहीतर साधुसंतांची माफी त्यांनी मागावी. त्यांचा अहंकार त्यांना आयोध्येला येण्यापासून थांबवत आहे." असं मत बृजभूषण सिंह यांनी व्यक्त केलं आहे.