Rajasthan Assembly Election Results 2023 : झालरापाटन मतदारसंघातून भाजपच्या उमेदवार आणि माजी मुख्यमंत्री वसुंधरा राजे (Vasundhara Raje) तब्बल 103010 मतांनी विजयी झाल्या आहेत.

2003 पासून त्या या जागेवरून विजयी होत आहेत. 2018 मध्ये त्यांनी तत्कालीन काँग्रेस नेते मानवेंद्र सिंह यांचा पराभव केला आणि 54 टक्के मतं मिळवली होती. राजस्थान निवडणुकीत भारतीय जनता पक्ष (BJP) सध्या 110 ते 115 जागांवर आघाडीवर आहे.

राजस्थान विधानसभा निवडणुकीच्या मतमोजणीसाठी मतमोजणी केंद्रांवर सर्व व्यवस्था सुरळीत करण्यात आली आहे. आज सकाळी 8 वाजल्यापासून सर्व केंद्रांवर मतपत्रिकांची मोजणी सुरू झाली असून सकाळी 8.30 वाजल्यापासून ईव्हीएमद्वारे पडलेल्या मतांची मोजणी सुरू झाली आहे.

राज्यातील 200 पैकी 199 जागांसाठी 25 नोव्हेंबर रोजी मतदान झाले होते. राज्यातील करणपूर मतदारसंघाची निवडणूक काँग्रेस उमेदवाराच्या निधनामुळं पुढं ढकलण्यात आली होती.