Rajasthan Assembly Election Result 2023: राजस्थानमध्ये आज विधानसभा निवडणुकीसाठी मतमोजणी सुरू आहे. भाजपने यावेळी राजस्थानच्या निवडणुकीत खासदार कार्ड चालवले आहे. याचा फायदा देखील भाजपला होताना दिसत आहे.  भाजप खासदार बाबा बालकनाथ तिजारा विधानसभा मतदारसंघातून निवडणूक लढवत आहेत. 

2013 च्या निवडणुकीत भाजपने ही जागा जिंकली होती. यावेळी काँग्रेसने बालकनाथ यांच्या विरोधात 36 वर्षीय माजी बसपा नेते इम्रान खान यांना उमेदवारी दिली आहे. दरम्यान तिजारा विधानसभेत कोण बाजी मारणार, याकडे सर्वांचे लक्ष लागले आहे.

राजस्थान विधानसभा निवडणुकीत भाजपने आपल्या ७ खासदारांना मैदानात उतरवले आहेत. यामध्ये खासदार महंत बाबा बालकनाथ योगी (Mahant Balaknath Yogi) यांचा देखील समावेश आहे.

बाबा बालकनाथ यांनी 2019 च्या लोकसभा निवडणुकीत अलवरमधून काँग्रेसच्या भंवर जितेंद्र सिंह यांचा पराभव केला होता. बालकनाथ हे भाजपचे फायर ब्रँड नेते मानले जातात. उत्तर प्रदेशचे मुख्यमंत्री योगी यांनीही त्यांच्या निवडणूक प्रचाराला हजेरी लावली. त्यांची 'भावी मुख्यमंत्री' म्हणून वर्णी लागली आहे. (Rajasthan Tijara Seat Result)

बालकनाथ यांनी निवडणूक लढविल्याने तिजारा ही जागा चर्चेत आली आहे. या जागेवर सर्वांच्या नजरा लागल्या आहेत. तिजारा येथे बालकनाथ 41642 मतांनी आघाडीवर आहेत. (Latest Marathi News)