राजस्थानच्या झुंझुनू जिल्ह्यातील कोलिहान खाणीत लिफ्ट कोसळल्याने किमान 14 लोक अडकल्याची भीती आहे . मंगळवारी रात्री उशिरा हिंदुस्थान कॉपर लिमिटेड (HCL's) च्या तांब्याच्या खाणीत ही घटना घडली असून बचाव कार्य सुरू आहे.
घटनास्थळी रुग्णवाहिका दाखल करण्यात आल्या असून डॉक्टरांना कोणत्याही परिस्थितीसाठी तयार राहण्यास सांगण्यात आले आहे.
भाजप आमदार धर्मपाल गुर्जर म्हणाले, "मी निवडणूक प्रचारासाठी हरियाणात गेलो होतो, पण जेव्हा मला ही माहिती मिळाली तेव्हा मी ताबडतोब येथे आलो. मी सर्वांना बोलावून संपूर्ण परिस्थितीचा आढावा घेतला. मी येथे एसडीएमला बोलावले आहे. बचाव पथक कार्यरत आहे. आणि 6-7 रुग्णवाहिका येथे उभ्या आहेत... संपूर्ण प्रशासन अलर्टवर आहे, आतापर्यंत कोणतीही जीवितहानी झाल्याचे वृत्त नाही, निश्चितपणे सर्वजण सुखरूप बाहेर येतील."
साखळी तुटल्याने लिफ्ट खाणीत 1875 फूट खाली पडली. मागच्या 9 तासांपासून बचावकार्य सुरू आहे, मात्र प्रशासनाला अद्याप यश आलेले नाही. आत अडकलेल्या अधिकाऱ्यांसाठी औषधे आणि अन्नाची पाकिटे पाठवली. 13 मेपासून खाणींमध्ये तपासणी सुरू होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.