नवी दिल्ली : खरे नेतृत्व हे हेतू आणि एकात्मिकता याच्या माध्यमातून ओळखले जाते. या दोन्ही बाबतीत मोदीजी हे २४ कॅरेट सोनं आहे, असा गौरवोद्गार भारताचे संरक्षण मंत्री राजनाथ सिंग (Rajnath Singh) यांनी काढले आहेत. गेली २० वर्षे सरकारचे प्रमुख म्हणून काम करत असताना मोदींवर एकही भ्रष्टाचाराचा आरोप झालेला नसल्याचे सिंग यांनी सांगितले. सध्या पंतप्रधान नरेंद्र मोदी (PM Narendra Modi) हे इटलीच्या दौऱ्यावर आहेत. दिल्लीत रामभाऊ म्हाळगी प्रबोधनीच्या वतीने भारतीय राजकारणात मोदींचे २० वर्षे या विषयावर चर्चासत्र आयोजित करण्यात आले आहे. त्यावेळी संरक्षण मंत्री सिंग बोलत होते.

सिंग म्हणाले, की स्वातंत्र भारतात राजकारण आणि राजकारणी यांच्यासमोर सर्वात मोठे आव्हान आहे विश्वास. मात्र पंतप्रधान नरेंद्र मोदी यांनी त्यावर मात केले आहे. त्यांना भारतीय समाज चांगल्या प्रकारे समजला असल्याचा दावा त्यांनी केला.