Eknath Shinde Shivsena : मुख्यमंत्री एकनाथ शिंदे यांच्यामागची डोकेदुखी कमी व्हायचं नाव घेत नाहीये. आता बुलडाणा लोकसभेसाठी आमदार संजय गायकवाड यांनी उमेदवारी अर्ज दाखल केला आहे. उमेदवारी जाहीर होण्यापूर्वीच आणि विद्यमान खासदारांना नाकारुन गायकवाड यांनी उमेदवारी अर्ज दाखल केल्याने आश्चर्य व्यक्त होतंय.

शिवसेनेच्या उमेदवारांची यादी अजून जाहीर झालेली नाही. त्यापूर्वीच विजय शिवतारे, बच्चू कडू, आनंदराव अडसूळ यांच्या कुरबुरी सुरु आहेत. यातच आता बुलडाण्याच्या संजय गायकवाड यांनी लोकसभेसाठी उमेदवारी अर्ज दाखल केला आहे. शिवसेनेचे खासदार प्रतापराव जाधव यांना हा स्वपक्षातून झटका समजला जातोय.

उमेदवारांची नावं जाहीर झालेली नसताना संजय गायकवाड यांनी अर्ज का दाखल केला, असा प्रश्न उपस्थित होतोय. गायकवाड यांनी दोन अर्ज भरल्याची माहिती येतेय. एक अपक्ष आणि दुसरा पक्षाकडून. पक्षाने आपल्याला एबी फॉर्म द्यावा, अशी त्यांची मागणी आहे. 'एबीपी माझा'ने हे वृत्त दिले आहे.

संजय गायकवाड यांच्या भूमिकेमुळे एकनाथ शिंदे काय निर्णय घेतता, हे पाहाणं महत्त्वाचं आहे. शिवसेनेतील अंतर्गत वाद चव्हाट्यावर आल्याने शिंदेंसमोरची डोकेदुखी वाढणार आहे. बुलडाण्याचे विद्यमान खासदार प्रतापराव जाधव यांना स्वपक्षातूनच हा मोठा धक्का समजला जातोय.