नवी दिल्ली : वरिष्ठ रॉकेट वैज्ञानिक एस. सोमनाथ हे आता भारतीय अंतराळ संशोधन संस्थेचे (ISRO) नवे प्रमुख असणार आहेत. केंद्र सरकारनं १२ जानेवारी रोजी त्यांची नियुक्ती जाहीर केली. नव्या इस्रो प्रमुखांचा कार्यकाळ हा तीन वर्षांसाठी असणार आहे. मावळते प्रमुख के. सिवन यांची ते जागा घेतील. (Senior rocket scientist S Somanath is new Isro chairman)
एस. सोमनाथ यांनी GSLV Mk-III लॉन्चर विकसित करण्यात महत्वाची भूमिका बजावली होती. आपल्या करिअरच्या सुरुवातीच्या टप्प्यांमध्ये PSLVच्या एकीकरणासाठी ते टीम लीडर होते. एस. सोमनाथ हे २२ जानेवारी २०१८ पासून विक्रम साराभाई अंतराळ केंद्राचं नेतृत्व करत आहेत. तर जून २०१० ते २०१४ पर्यंत ते GSLV MK-III चे प्रोजेक्ट डायरेक्टर होते.
एस. सोमनाथ यांनी कोल्लम येथील टीकेएम अभियांत्रिकी महाविद्यालयातून मॅकेनिकल इंजिनिअरिंगमध्ये पदवी मिळवली. त्यानंतर बंगळुरुच्या भारतीय विज्ञान संस्थानमधून त्यांनी एअरोस्पेस इंजिनिअरिंगमध्ये पोस्ट ग्रॅज्युएशन केलं. त्यानंतर १९८५ मध्ये त्यांनी VSSC मध्ये प्रवेश घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.