नवी दिल्ली - काँग्रेस खासदार शशि थरूर यांच्या इंग्रजीबद्दल नेहमीच चर्चा होत असते. अनेकदा त्यांनी केलेल्या ट्विटचा अर्थ समजण्यासाठी डिक्शनरी वापरावी लागते. मात्र आता हेच शशि थरूर एका दहावीच्या मुलीचे इंग्रजी ऐकून निशब्द झाले आहेत. त्यांनी मुलीलाच तिच्या बोलण्याचा अर्थ विचारला आहे. केरळमधील एका मुलीने इंग्रजीत इतका मोठा शब्द उच्चारला की तो ऐकून शशि थरूरसुद्धा थक्क झाले. 

शशि थरूर जे इंग्रजी शब्द वापरतात त्यामुळे अनेकदा ट्विटरसह सोशल मीडियावर जोरदार चर्चा रंगते. दहावीतील एका मुलीने त्यांच्यासमोर अशी काही इंग्रजी बोलून दाखवली की त्यानंतर शशि थरूर यांनाही आश्चर्याचा धक्का बसला. क्लब एफएममध्ये बोलताना मुलीने चर्चेवेळी एक शब्द शशि थरूर यांना ऐकवला होता. 

केरळमधील एक खासगी रेडिओ चॅनेल असलेल्या क्लब रेडिओमध्ये नुकताच एक कार्यक्रम पार पडला. यामध्ये इंग्रजीचं कौशल्य दाखवण्यात येत होतं. यावेळी शशि थरूर यांनी दिया नावाच्या मुलीचं तोंडभरून कौतुक केलं. दियाने शशि थरूर यांना टॅग करून शब्द उच्चारण्यास सांगितलं होतं. 

कार्यक्रम सुरू असताना दियाने न थांबता टंग ट्विस्ट करून पूर्ण शब्द सलग उच्चारला. तेव्हा शशि थरूर यांनी थेट हार पत्करली. पूर्ण शब्द ऐकल्यानंतर शशि थरूर यांनी त्याचा अर्थही विचारला. त्यावर दियाने हे एका काल्पनिक खाद्यपदार्थाचे नाव आहे.

हे वाचा - Bihar Election - माझी शेवटची निवडणूक; मुख्यमंत्री नितीश कुमार यांची प्रचारावेळी घोषणा

थरूर यांनी म्हटलं की, शब्द लक्षात ठेवणं आणि त्याचा पुन्हा उच्चार करणं ही लहानशी गोष्ट नाही. तिला पुन्हा एकदा शुभेच्छा आणि प्रत्येकजण असं करू शकत नाही. तिच्याकडे चांगली स्मरणशक्ती आणि एकाग्रता आहे. माझा सल्ला आहे की, असे शब्द शिका जे वापरात आणता येतील. 

शशि थरूर यांनी ट्विटरवर एक लिंक शेअर केली आहे. त्यामध्ये लिहिलं आहे की, दहावीत शिकणाऱ्या दियाची अद्भूत गोष्ट, जी मी कधीच ऐकली नाही आणि माझ्यासाठी हे एक आश्चर्यच आहे.