दिल्लीच्या राजेंद्र नगर भागातील राव आयएएस कोचिंग सेंटरच्या बेसमेंटमध्ये पाणी साचल्याने, यूपीएससी परीक्षेची तयारी करणारी अंबेडकर नगरची रहिवासी होनहार छात्रा श्रेया यादवचा दुर्दैवी मृत्यू झाला आहे. या घटनेने तिच्या कुटुंबात शोककळा पसरली आहे. या अपघातात एकूण तीन विद्यार्थ्यांचा मृत्यू झाला आहे.
श्रेया यादवचे वडिल अंबेडकर नगरमध्ये दूध विकून आपल्या मुलीला दिल्लीमध्ये शिकवत होते. त्यांचे स्वप्न होते की श्रेया एक दिवस आयएएस अधिकारी बनेल. श्रेयाने याच वर्षी एप्रिल महिन्यात दिल्लीतील राव कोचिंगमध्ये दाखला घेतला होता. तीन भावंडांपैकी श्रेया सगळ्यात मोठी होती. तिचे दोन्ही भाऊ तिच्यापेक्षा लहान आहेत. देशातील सगळ्यात मोठी परीक्षा पास करण्याचे स्वप्न घेऊन दिल्लीला गेलेली श्रेया आता नेहमीसाठी कुटुंबापासून दूर गेली आहे.
श्रेयाने सुल्तानपूरमध्ये कृषीशास्त्रात बीएससी केले होते आणि याच वर्षी यूपीएससी परीक्षेची तयारी करण्यासाठी दिल्लीच्या राव कोचिंगमध्ये प्रवेश घेतला होता. बेसमेंटमध्ये चालणाऱ्या कोचिंग लायब्ररीत अचानक पाणी साचल्याने ती बुडाली आणि तिचा मृत्यू झाला.
आता श्रेयाच्या कुटुंबीयांनी कोचिंगच्या व्यवस्थेवर प्रश्नचिन्ह उपस्थित केले आहेत. ते विचारत आहेत की, लायब्ररीमध्ये कोणतीही सुरक्षितता व्यवस्था नसताना ती कशी चालू होती? पावसामुळे अचानक बेसमेंटमध्ये सीवरचे पाणी शिरल्याने श्रेया आणि आणखी दोन विद्यार्थ्यांचा मृत्यू झाला आहे.
श्रेयाच्या मृत्यूची बातमी मिळताच कुटुंबीयांमध्ये हाहाकार माजला. गावातील लोकसुद्धा त्यांना सांत्वन देण्यासाठी त्यांच्या घरी पोहोचले आहेत. श्रेयाचा भाऊ अभिषेक यादव मास कम्युनिकेशनचे शिक्षण घेत आहे तर तिचे काका धर्मेंद्र यादव नोएडामध्ये राहतात आणि समाजवादी पार्टीचे प्रवक्ते आहेत. दिल्लीमध्ये श्रेयाचे अभिभावक देखील तिथेच होते तर तिचे वडिल बसखारी बाजारात डेअरीची दुकान चालवतात.
दिल्लीतील राव आयएएस ॲकॅडमीच्या या घटनेत प्रशासनाच्या निष्काळजीपणाचे चित्र समोर आले आहे. प्रत्यक्षात परवानगी नसतानाही त्या इमारतीच्या तळघरात बेकायदा कोचिंग सेंटर चालू होते. तळघराची जागा गोडाऊन म्हणून वापरली जात होती, मात्र तेथे लायब्ररी बांधण्यात आली होती. तळघरात बायोमेट्रिक यंत्रणा बसवली होती, जी पाण्यामुळे बंद पडली होती. परिणामी तीन विद्यार्थ्यांना आपला जीव गमवावा लागला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.