पंजाबी गायक सिद्धू मुसेवालाच्या हत्येप्रकरणी ताब्यात असलेल्या आरोपीला कारागृहातच मारहाण करण्यात आली आहे. या मारहाणीत हा आरोपी गंभीर जखमी झाला आहे. इतर कैद्यांनीच त्याला मारहाण केल्याची माहिती समोर आली आहे. (Siddhu Moosewala Murder Case)

लुधियाना मध्यवर्ती कारागृहात आरोपी सतबीर होता. तिथे त्याच्यासोबत असणाऱ्या कैद्यांनी त्याला मारहाण केली. यामध्ये त्याच्या डोक्याला गंभीर दुखापत झाली आहे. त्याला उपचारांसाठी तात्काळ रुग्णालयात दाखल कऱण्यात आलं आहे. सतबीर सिंगला लुधियाना पोलिसांनी मुसेवालाच्या मारेकऱ्यांना हत्यारं पुरवल्याच्या आरोपाखाली अटक केली होती.

पोलिसांनी दिलेल्या माहितीनुसार, सतबीरवर हल्ला केलेल्या कैद्यांचा त्याच्यावर राग होता. सिद्धू मुसेवालाच्या हत्याकांडात सहभाग असल्याने हे कैदी त्याच्यावर संतापले होते. त्यामुळे त्यांनी सतबीरवर हल्ला केला. २९ मे रोजी दिवसाढवळ्या प्रसिद्ध पंजाबी गायक सिद्धू मुसेवालाची हत्या करण्यात आली होती.