चेन्नई : तामिळनाडूमध्ये (Tamil Nadu) अल्पवयीन मुलीने लैंगिक छळाला (Physical abuse) कंटाळून आत्महत्या (Students suicide) केली. ही मुलगी चेन्नईतील शाळेत अकरावीत शिकत होती. गेल्या आठवड्यात तिचा मृतदेह चेन्नईतील मंगडू येथील घरात पंख्याला लटकलेल्या अवस्थेत आढळून आला होता. सुसाईड नोट (Suicide note) सापडल्यानंतर संपूर्ण प्रकरण स्पष्ट झाले.

इंडिया टुडेच्या वृत्तानुसार, कोणत्याही मुलीने नातेवाईक आणि शिक्षकांवरही विश्वास ठेवू नये. मुलींसाठी नातेवाइकांची घरे आणि शाळाही सुरक्षित नाहीत. सर्व पालकांनी आपल्या मुलांना मुलींचा आदर करायला शिकवावे, असे मुलीने सुसाईड नोटमध्ये लिहिले आहे. तरुणीने सुसाईड नोटच्या सुरुवातीला लैंगिक छळ थांबवा असे लिहिले आहे. यासोबतच मानसिक त्रासाचाही उल्लेख केला आहे. ‘फक्त आईचा गर्भ आणि कबर’ हेच मुलींसाठी सुरक्षित ठिकाण असल्याचे मुलीने लिहिले आहे.

शोषणाचे प्रकरण मुलगी ज्या शाळेत आधी शिकली त्या शाळेशी संबंधित असू शकते, असे मुलीच्या कुटुंबीयांचे म्हणणे आहे. शाळा बदलूनही शोषण थांबत नसल्याने तिने आत्महत्या केल्याची शक्यता वर्तवली जात आहे. मुलीने स्वतःला त्या लोकांपासून दूर केले होते, असे मुलीच्या मैत्रिणींनी सांगितले.

लैंगिक छळ (Physical abuse) आता असह्य होत असल्याचे तिने सुसाईड नोटमध्ये (Suicide note) लिहिले आहे. तिला खूप त्रास सहन करावा लागला. पण तिचे सांत्वन करायला कोणी नव्हते. शोषणामुळे तिला अभ्यासात लक्ष घालता आले नाही. ती मानसिकदृष्ट्या इतकी अस्वस्थ होती की एका रात्री झोपही आली नाही, असे पोलिसांनी सांगितले.