नवी दिल्ली : नागरिकत्व दुरुस्ती कायद्यावरून (कॅब) दिल्लीतील जामिया मिलिया विद्यापीठ परिसर आणि अलिगढ मुस्लिम विद्यापीठात झालेल्य हिंसाचारप्रकरणी दाखल याचिकांवर सुनावणी घेण्यास सर्वोच्च न्यायालयाने नकार दिला आहे. तसेच न्यायालयाने याचिकाकर्त्यांना उच्च न्यायालयात जाण्याचे आदेश दिले आहेत.
जामिया मिलिया विद्यापीठात विद्यार्थ्यांनी आंदोलन केल्यानंतर त्याला हिंसाचाराचे गालबोट लागले होते. परिस्थिती नियंत्रणात ठेवण्यासाठी पोलिसांना लाठीमार करावा लागला. या वेळी झालेल्या धुमश्‍चक्रीत पोलिसांनी कॅम्पसमध्ये विद्यार्थ्यांना मारहाण केली. दिल्ली पोलिसांच्या गुंडगिरीविरोधात सोमवारी विद्यार्थ्यांनी आंदोलन केले होते. तसेच अलिगढ मुस्लिम विद्यापीठातही पोलिसांनी कारवाई करत विद्यार्थ्यांना प्रवेश मनाई केली होती. त्यानंतर सर्वोच्च न्यायालयात याचिका दाखल करण्यात आल्या होत्या.
आज (मंगळवार) या याचिकांवर सरन्यायाधीश शरद बोबडे यांच्या खंडपीठाने सुनावणी करताना सर्व याचिकांवर दखल घेण्यास नकार दिला आहे. तसेच त्यांनी याचिकाकर्त्यांना विचारले आहे, की थेट सर्वोच्च न्यायालयात कशा याचिका आल्या. उच्च न्यायालयात का गेले नाहीत. कोणाकडून कायदे तोडले जात आहेत, दगडफेक केली जात आहे आणि बस जाळल्या जात असतील तर पोलिस काय करणार? असेही सुनावणीदरम्यान सरन्यायाधीशांनी म्हटले आहे.
थेट सर्वोच्च न्यायालयात याचिका दाखल कऱणाऱ्या वकील इंदिरा जयसिंह आणि निजाम पाशा यांनी दाखल केलेल्या याचिकांवर नाराजी दर्शवत सर्वोच्च न्यायालयाला स्थानिक न्यायालयासारखे समजू नका, असे म्हटले आहे. या विषयी आम्ही दखल देणार नाही. हा कायदा व सुव्यवस्थेचा प्रश्न आहे. बस कशा जळाल्या? उच्च न्यायालयात का गेले नाहीत, त्यांच्यासमोर सुनावणी का करावी, असे न्यायालयाने स्पष्ट केले आहे.
तर, सुनावणीदरम्यान महाधिवक्ता तुषार मेहता यांनी सरकारची बाजू स्पष्ट करताना म्हटले आहे, की या प्रकरणात एकही विद्यार्थ्याला अटक करण्यात आलेली नाही. या हिंसाचारात 31 पोलिस कर्मचारी जखमी झाले आहेत. तर, 20 गाड्यांना आग लावण्यात आली. विद्यापीठातील अधिकाऱ्यांनी (प्रॉक्टर) पोलिसांना विद्यापीठात येण्याची शिफारस केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.