नवी दिल्लीः केंद्र सरकारच्या महिला आरक्षण धोरणाच्या बाबतीत काँग्रेस नेत्या जया ठाकूर यांनी सुप्रीम कोर्टामध्ये एक याचिका दाखल केली होती. त्यावर शुक्रवारी कोर्टाने स्पष्टीकरण दिलं आहे.

महिला आरक्षणासंदर्भात शुक्रवारी न्यायमूर्ती संजीव खन्ना आणि न्यायमूर्ती एसव्हीएन भाटी यांच्या पीठासमोर सुनावणी झाली असून पुढची सुनावणी 22 नोव्हेंबरला होणार आहे. महिला आरक्षण कायदा तात्काळ लागू करण्याचे आदेश केंद्राला देणे अवघड असल्याचं कोर्टाने यावेळी म्हटलं आहे.

काँग्रेस नेत्या जया ठाकूर यांनी २०२४ च्या लोकसभा निवडणुकीपूर्वी महिला आरक्षण लागू करण्याची मागणी करत याचिका दाखल केली होती. सुनावणीवेळी सुप्रीम कोर्टाने केल स्पष्ट केलं की, सरकारकडे जनगणनेशिवाय इतरही अनेक कामे आहेत, महिला आरक्षणाचा निर्णय हा अतिशय चांगलं पाऊल असून केंद्राला नोटीस पाठवण्यासही योग्य नाही. अशा शब्दात कोर्टाने भूमिका स्पष्ट केली.