Swiss Women Killed in Delhi: दिल्लीच्या तिलकनगर भागातील एमसीडी स्कूलजवळ एका गाडीत महिलेचा मृतदेह आढळला होता. या मृतदेहाची ओळख आता पटली आहे. ही महिला मूळची स्वित्झर्लंडची आहे. याबद्दल पोलिसांनी माहिती दिलीये आणि एका संशयिताला अटकही केली आहे. गुन्ह्यात वापरण्यात आलेली गाडी पोलिसांनी संशयिताकडून हस्तगत केली.

हत्येच्या प्रकरणाचा तपास करताना पोलिसांच्या सूत्रांनी सांगितले की, संशयित आरोपी गुरप्रित याने या कारचा वापर करत त्याने मृतदेह रस्त्याच्या बाजूला फेकला. चौकशीच्या वेळी संशयिताने त्याने खुलासा केला की या महिलेची आणि त्याची ओळख सोशल मीडियाच्या माध्यमातून चार वर्षांआधी ओळख झाली होती.

तीन वर्षांआधी झालेल्या मैत्रीचं रुपांतर मैत्रीत झालं. त्यानंतर संशयित तिच्या प्रेमात पडला. मात्र, त्या मुलीचा आणखी एक बॉयफ्रेंड होता. त्यामुळे तिचे संशयितासोबत खटके उडू लागले.

पोलिसांनी सांगितलं की, संशयिताने या महिलेला कॉल केला आणि तिला भेटीसाठी स्वित्झर्लंडहून भारतात बोलवून घेतलं. जेव्हा ते दोघे भेटले तेव्हा तो तिला एका ठिकाणी घेऊन गेला. त्यानंतर त्या मुलीचे हात आणि पाच एका साखळीने बांधले. पोलिसांच्या मते, या संशयिताने कार विकत घेण्यासाठी दुसऱ्या मुलीच्या ओळखपत्राता वापर केला होता.

पोलीस अधिकाऱ्याने सांगितलं की त्यांना सकाळी ८. ४५ ते ९ वाजेच्या सुमारास एक माहिती मिळाली की तिलकनगर भागात एक मृतदेह मिळाला आहे. त्यानंतर पोलिसांचं पथक घटनास्थळी दाखल झालं.

प्राथमिक तपासात असं दिसलं की ही हत्या आहे. त्यानंतर कलम ३०२ आणि २०१ अंतर्गत प्रकरणाचा तपास सुरु केला. आसपासच्या ठिकाणी लावलेल्या सीसीटीव्ही कमेऱ्यांमध्ये एक संशयास्पद कार फिरताना दिसली. त्यानंतर पोलिसांनी ही कार शोधली. ही कार जनकपुरी भागातून खरेदी करण्यात आली होती. त्यानंतर पोलिसांनी गुरप्रितच्या मुसक्या आवळल्या. सुरुवातीला तो पोलिसांना चौकशीमध्ये सहकार्य करत नव्हता. पोलिसांनी त्याच्याकडून १.५ कोटी रुपये ही जप्त केले. (Latest Marathi News)