मुंबई : लॉकडाऊनचा फटका हा जगातील सर्वच छोट्या मोठ्या उद्योगांना बसला आहे. यातून टाटा उद्योग समूहही सूटू शकलेला नाही. यामुळे टाटा समूह एका तिमाहीनंतर वरिष्ठ स्तरावरील कर्मचाऱ्यांच्या पगारामध्ये कपात केली जाऊ शकते असे सांगण्यात येत आहे. कंपनीच्या कर्मचाऱ्यांना कंपनीचे मुख्य कार्यकारी अधिकारी असणाऱ्या पुनीत चटवाल यांनी एक इमेल पाठवला आहे. आपल्याला प्रत्येक परिस्थितीचा अभ्यास करुनच निर्णय घ्यावा लागणार असल्याचे यात त्यांनी म्हटले आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा  

कोणत्याही प्रकारच्या नवीन गोष्टी आणि नोकरीवर नव्याने लोकं घेण्याच्या निर्णयांवर तात्पुरती बंदी घातली जाऊ शकते, असे संकेतही चटवाल यांनी दिले आहेत. टाटा ग्रुपच्याच मालकीच्या विस्तारा एअरलाइन्सने आपल्या ३० टक्के कर्मचाऱ्यांना एप्रिल ते जून या कालावधीमध्ये काही दिवसांसाठी बिनपगारी सुट्टीवर पाठवण्याचा निर्णय घेतला आहे. खर्चामध्ये कपात करण्यासाठी कंपनीने हा निर्णय घेतला आहे.

कोरोनाशी जुळवुन घ्या; दोन वर्षे लस निघणे अशक्य : जागतिक आरोग्य संघटना

देशातील हॉटेल उद्योग आणि हवाई श्रेत्रातील कंपन्यांना लॉकडाउनमुळे एक लाख कोटी रुपयांचा तोटा झाला आहे. विस्ताराला झालेल्या तोट्याच्या पार्श्वभूमीवर कंपनीला आर्थिक संकटातून वर काढण्यासाठी टाटा सन्सने आर्थिक मदत देण्याचा निर्णय घेतला आहे. इतकचं नाही तर टाटा समुहाची सर्वाधिक नफ्यात राहणारी कंपनी म्हणजेच टीसीएसने आपल्या साडेचार लाख कर्मचाऱ्यांची या वर्षीची पगारवाढ थांबवण्याचा निर्णय घेतला आहे.

जगाची चिंता वाढवणारी बातमी : कोरोनामुक्त झालेल्या वुहानमध्ये पुन्हा सापडला रुग्ण

दरम्यान, कोरोनाच्या संकटाच्या काळामध्ये पगारकपातीचा फटका आता टाटा कंपनीच्या कर्मचाऱ्यांनाही यावरून बसण्याची दाट शक्यता आहे. टाटा समुहातील कंपन्यांपैकी प्रमुख कंपन्या असणाऱ्या इंडियन हॉटेल्स, विस्तारा एअरलाइन्स, टाटा मोटर्स या कंपन्यांना सर्वात मोठा फटका बसला आहे. पर्यटन आणि वाहन निर्मिती श्रेत्रातील या दिग्गज कंपन्यांचे आर्थिक गणित लॉकडाउनमुळे कोलमडले आहे.