हैदराबाद : तापाने त्रस्त असलेले तेलंगणाचे मुख्यमंत्री के. चंद्रशेखर राव यांना 'सेकेंड्री इन्फेक्शन' झाले आहे. ते पुढील काही दिवसात तंदरुस्त होतील, अशी आशा व्यक्त करण्यात आली आहे. केसीआर यांचे पुत्र व मंत्री के.टी. रामाराव यांनी शुक्रवारी ही माहिती दिली.

एका संसर्गाच्या उपचारादरम्यान झालेला संसर्ग म्हणजे, 'सेकेंड्री इन्फेक्शन' आहे. केटीआर यांनी म्हटलं की, केसीआर यांचा ताप काही प्रमाणात कमी झाला आहे. ते पुढं म्हणाले की, त्यांना ( केसीआर) दुर्दैवाने सेकेंड्री इन्फेक्शन झाले आहे. त्यामुळे बरं होण्यासाठी त्यांना नेहमीपेक्षा जास्त वेळ लागत आहे. त्यांच्या छातीत संसर्ग झाला आहे. मात्र त्यांना झालेला विषाणूजन्य ताप आता कमी झाला आहे. एक-दोन दिवसांत ते बरे होतील, असंही त्यांचं म्हणणं आहे.