कानपूर : विवस्त्र, सिगारेटने जाळल्याच्या खूणा, खिळ्याने डोळे बाहेर काढले आणि गळ्या भोवती बुटाचे खूणा... कानपुरात १० वर्षांच्या मुलाचा मृतदेह आढळल्यानंतर खळबळ माजली आहे. मुलाबरोबर घडलेल्या क्रूरता पाहून परिसरातील लोकांबरोबरच पोलिसांनाही धक्का बसला आहे. ते मृतदेहाच्या पंचनाम्यासाठी पोहोचले होते. मुलगा दोन दिवसांपूर्वीच बेपत्ता झाला होता. त्याचा मृतदेह मंगळवारी (ता.आठ) आढळला. त्याला मारणाऱ्यांनी त्याचे डोळे फोडले होते. डोळ्यांजवळ एक खिळा सापडला आहे. डोळे खिळ्याने काढल्याची शक्यता वर्तवली जात आहे. मुलाच्या गळ्याभोवती बुटाच्या खुणा आहेत. याने मारल्यानंतर मुलाच्या गळा बुटाने दाबल्याची शंका व्यक्त केली जात आहे. (Ten Year Old Boy Brutally Killed In Kanpur Of Uttar Pradesh)

मृतदेहाजवळ आढळली दारुची बाटली, चेहऱ्यावर सिगारेटच्या खूणा

मुलाच्या मृतदेहाजवळ दोन ग्लास आणि दारुची बाटलीही सापडली आहे. खून करणारे दोघे असतील असा अंदाज त्यावरुन व्यक्त केला जात आहे. दारु पिल्यानंतर क्रूरतेने मुलाची हत्या केली गेली. मुलाच्या चेहऱ्यावर सिगारेटचे चटके दिल्याच्या खूणा दिसतायत. खूनानंतर त्याला ओढत नेल्याचेही खूणा आहेत. मुलाच्या शरीराचा पाठीचा भाग काळा पडला आहे. (Crime Against Children)

मुलाबरोबर घडलेल्या क्रूरतेने पोलिस अधीक्षकांना धक्का

कानपूर (Kanpur) ग्रामीणचे पोलिस अधीक्षक अजित कुमार सिन्हा स्वतः म्हणतात, की मुलाबरोबर घडलेली क्रूरता पाहिल्यावर त्याला खूनी किती तिरस्कार करत होते हे दिसते. हा द्वेष का होता हे त्यांना पकडल्यानंतरच कळेल. माझे हृदयही मुलाबरोबर घडलेल्या क्रूरतेने थरथरले आहे. शवविच्छेदनाचा अहवाल आल्यानंतरच कळेल की मुलाबरोबर नेमके काय घडले आहे, असे पोलिसांनी सांगितले.