नवी दिल्ली : संयुक्त राष्ट्राकडून एक रिपोर्ट सादर करण्यात आला आहे. त्यामध्ये तालिबान भविष्यात भारतासाठी धोकादायक असल्याचं समोर आलं आहे. अल-कायदा ही दहशतवादी संघटना पुन्हा सक्रिय झाली असल्याचं या अहवालामध्ये म्हटलं आहे. अफगाणिस्तानातील सरकार पाडून आपली सत्ता स्थापन केल्यानंतर अल कायदा भारतातील काश्मीर भागाकडे लक्ष केंद्रित करत असल्याचं समोर आलं आहे.

(Terrorist Active In Kashmir)

दरम्यान भारताच्या दृष्टीने ही चिंताजनक बाब आहे. संयुक्त राष्ट्राकडून तालिबानसारख्या दहशतवादी संघटनासंबंधी अहवाल सादर करण्यात आला आहे. त्यामध्ये त्यांनी अल-कायदा चा भारताला धोका असल्याचे संकेत दिले आहेत. तसेच 'क्यूआरएस' या अल कायदाच्या संघटनाने 'नवा-ए-अफगाण-जिहाद' या मासिकाचे नाव 'नवा-ए-गजवाह-ए-हिंद' असं ठेवलं होतं. त्यानंतर संघटनेला बळ मिळत असल्याचंही रिपोर्टमध्ये सांगितलं आहे.

अफगाणिस्तानातून अंमली पदार्थाची तस्करी वाढली आहे. हेरॉईन आणि इतर अंमली पदार्थाच्या तस्करीमधून त्यांना पैसा मिळत असल्याचं समोर आलं आहे. यामुळे त्यांच्या अर्थव्यवस्थेला बळकटी मिळत आहे. मागच्या काही महिन्यात गुजरातमध्ये समुद्रामार्गे तस्करी करण्यात येत असलेले हेरॉईन मोठ्या प्रमाणात जप्त करण्यात आले होते. त्यानंतर पंजाबमध्येही ड्रोनद्वारे अंमली पदार्थांची तस्करी करण्यात येत आहे. तस्करी करणारे अनेक ड्रोन भारतीय जवानांनी पाडले आहेत. त्यामुळे तालिबानातील अल-कायदा ही संघटना पु्न्हा आपलं अस्तित्व निर्माण करू लागली आहे असे संकेत रिपोर्टमध्ये देण्यात आले आहेत.

अफगाणिस्तानात सत्ता स्थापन केल्यानंतर भारतातील काश्मीरकडे अल-कायदा या संघटनेने लक्ष केंद्रित केल्याचे संकेत दिले आहेत. त्यामुळे भारतासाठी ही चिंताजनक बाब आहे.