पुलवामा : जम्मू-काश्मीरच्या पुलवामा येथे आज (बुधवार) सकाळी दहशतवाद्यांनी एका घरात प्रवेश करून अंधाधुंद गोळीबार केला. या गोळीबारात एका महिलेचा मृत्यू झाला असून एक तरूण गंभीर जखमी आहे.

श्रीनगरमध्ये ईदची नमाज अदा केल्यानंतर काही लोक मुख्य रस्त्यावर आले. त्यांच्या हातात दहशतवादी संघटना इस्लामिक स्टेट (आयएस) आणि हाफिज सईद, मसूद अजहर, जाकिर मुसाचे छायाचित्र असलेले फलक होते. त्यावेळी त्यांनी सईद, अजहर यांच्या समर्थनार्थ घोषणा दिल्या आणि सुरक्षा जवानांवर दगडफेक केली.

पोलिसांनी दिलेल्या माहितीनुसार, हल्लेखोरांनी घरात प्रवेश करून गोळीबार केला. यामध्ये नगिना बानो या जागीच ठार झाल्या, तर मोहम्मद सुल्तान हा तरूण गंभीर जखमी झाला आहे. त्याची स्थिती नाजूक असून त्याच्यावर दवाखान्यात उपचार सुरू आहेत. तसेच हल्लेखोरांचा शोध घेतला जात आहे.