पाटना : झारखंड मुक्ती मोर्चाचे (जेएमएम) अध्यक्ष हेमंत सोरेन यांच्या नेतृत्वाखाली आम्ही झारखंड निवडणुकीत महाआघाडीत लढलो आहोत. त्यामुळे तेच मुख्यमंत्री होतील, असे राष्ट्रीय जनता दलाचे (राजद) नेते तेजस्वी यादव यांनी म्हटले आहे.
भारतीय जनता पक्ष महाराष्ट्र पाठोपाठ आणखी एक राज्य गमवण्याच्या मार्गावर आहे. झारखंडमध्ये आज (सोमवार) सकाळी मतमोजणीला सुरवात झाली असून, जेएमएम-काँग्रेसने महाआघाडीने मुसंडी मारली आहे. झारखंडमध्ये 81 विधानसभा जागांसाठी पाच टप्प्यात निवडणुका झाल्या होत्या. सत्तेत येण्यासाठी कुठल्याही पक्षाला 41 हा बहुमताचा आकडा पार करावा लागणार आहे. मात्र मागील विधानसभेत 37 जागा मिळवणाऱ्या सत्ताधारी भाजपला या निवडणुकीत मात्र मोठा फटका बसण्याचा अंदाज आहे. तर महाआघाडी सत्तास्थापनेच्या जवळ पोहचली आहे.
या निकालाबद्दल एएनआयशी बोलताना तेजस्वी यादव म्हणाले, की महाआघाडीने मोठे यश मिळविले आहे. भाजपकडून सत्ता घेण्यात आम्ही यशस्वी ठरलो आहोत. हेमंत सोरेन यांच्या नेतृत्वाखाली आम्ही निवडणूक लढलो होतो. त्यामुळे तेच मुख्यमंत्री होणार हे निश्चित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.