मुस्लीम महिलांना घेऊन बुली बाई (Bulli bai) प्रकरण देशभर खुप गाजले. यावरून महिलेच्या सुरक्षेचा प्रश्न पुन्हा ऐरणीवर आलाय. महिलांच्या प्रतिष्ठेच्या रक्षणासाठी कोणतीही तडजोड केली जाणार नाही, असे सांगत संसदेत राजकीय सहमती असल्यास सोशल मीडियाला अधिक जबाबदार बनवण्यासाठी कठोर नियम आणण्यास तयार असल्याचे सरकारने (Government) शुक्रवारी सांगितले.

माहिती आणि तंत्रज्ञान मंत्री अश्विनी वैष्णव (Ashwini Vaishnaw) राज्यसभेत प्रश्नांना उत्तर देतांना म्हणाले, “सोशल मीडियावर मुस्लिम महिलांचे फोटोग्राफ्स (Photoghraphs) आणि इतर तपशील लिलावासाठी आणल्‍यानंतर नाराजी निर्माण करण्यात आली होती मात्र सरकारने तत्काळ कारवाई केली होती.”

संसदेत राजकीय सहमती असल्यास सोशल मीडियाला (social Media) अधिक जबाबदार बनवण्यासाठी कठोर नियम आणण्यास तयार असल्याचे शुक्रवारी मंत्री अश्विन वैष्णव यांनी सांगितले त्यामुळे आज राज्यसभेत यावर विधेयक जारी होण्याची शक्यता आहे तर भाजपने आपल्या राज्यसभा खासदारांना ८ फेब्रुवारी रोजी सभागृहात उपस्थित राहून सरकारच्या भूमिकेला पाठिंबा देण्यासाठी तीन ओळींचा व्हिप जारी केला आहे.