नवी दिल्ली : काँग्रेसनं देशभरात आज विविध ठिकाणी आंदोलन केलं. या आंदोलनामुळं उत्तर प्रदेशचे मुख्यमंत्री योगी आदित्यनाथ मात्र चांगलेच भडकले. हा रामभक्तांचा अपमान असल्याचं म्हणत काँग्रेसनं भारताच्या श्रद्धेचा अपमान केल्याचा आरोप केला. (This is an insult to Ram devotees CM Yogi Adityanath got angry over Congress agitation)

CM योगी म्हणाले, आत्तापर्यंत काँग्रेसकडून साध्या कपड्यांमध्ये आंदोलन सुरु होतं. पण आजच्याच दिवशी त्यांनी काळे कपडे घालून आंदोलन केलं. आजचा अयोध्या दिवसच त्यांनी यासाठी निवडला. आजच्याच दिवशी राम मंदिराच्या बांधकामाला सुरुवात झाली होती. त्यामुळं आज अशा प्रकारे काळे कपडे घालून निषेध आंदोलन करुन काँग्रेसनं रामभक्तांचा अपमान केला आहे.

अशा प्रकारे आंदोलन करत काँग्रेसनं भारताच्या श्रद्धेचा अपमान केला आहे. त्याचबरोबर अयोध्या दिवसासह भारताची लोकशाही आणि न्यायव्यवस्थेचाही काँग्रेसनं अपमान केला आहे, अशा पक्षाच्या या आंदोलनाचा आम्ही निषेध करतो, असंही योगी आदित्यनाथ यांनी म्हटलं आहे.