तिरुपती : आंध्र प्रदेशीतील तिरुमला तिरुपती देवस्थान संस्थेकडून (Tirumala Tirupati devasthanam) ऑनलाइन पास बूकिंग प्रक्रिया सुरू करण्यात येत आहे. ऑसर्व नियमांचे पालन करून तिरूपती मंदिराला दर्शनला येणाऱ्या भक्तांची संख्या वाढण्याची शक्यता संस्थेकडून व्यक्त करण्यात येत आहे. देवस्थान यांनी (TTD) नोव्हेंबर आणि डिसेंबर महिन्यासाठी विशेष प्रवेश पासचा कोटा जाहिर केला. काय आहे पासची किंमत?

अधिकृत वेबसाइटवर जाहीर

तिरुमला तिरुपती देवस्थान मंदिराच्या संस्थेने म्हटले आहे की, नोव्हेंबर महिन्यातील ऑनलाइन पास बूकिंग शनिवारी (23 ऑक्टोबर) सकाळी 9 वाजता ऑनलाइन पद्धतीने सुरू केली जाईल. संस्थेने तिकिटांचा ऑनलाइन कोटा शुक्रवारी (22 ऑक्टोबर) सकाळी 9 वाजता त्याच्या अधिकृत वेबसाइटवर जाहिर केला. तिरुमला तिरुपती देवस्थान यांनी (TTD) नोव्हेंबर आणि डिसेंबर महिन्यासाठी 300 रुपयांच्या विशेष प्रवेश पासचा कोटा जाहिर केला आहे. तिरुपती देवस्थाना संस्थेने ऑनलाइन बुकिंगसाठी जाहिर केल्या जाणाऱ्या तिकीटांची नेमकी संख्या स्पष्ट केली नाही. त्यामुळे भक्तांच्या मनात प्रश्न निर्माण झाले आहेत

सध्या 30,000 भाविक दर्शनासाठी

तिरूपती मंदिरामध्ये दर्शनासाठी येणाऱ्या भाविकांना कोरोना रिपोर्टसोबत ठेवावा लागेल तसेच लसीचे दोन डोस घेतलेल्या भाविकांनाच मंदिरात प्रवेश देण्यात येणार आहे. सध्या तिरूपती मंदिरात दररोज 30,000 भाविक दर्शनासाठी येत आहेत. कोरान काळाच्या आधी तिरूपती मंदिरात अंदाजे 70-80,000 भाविक दर्शनासाठी येत होते.