केंद्र सरकार जाणूनबुजून हे प्रकरण लटकवत आहे. मला यावर भाष्य करण्याचा अधिकार नाही, पण माझा विश्वास आहे की प्रत्येकाला जीवनसाथी निवडण्याचा, प्रेम करण्याचा अधिकार आहे.
नवी दिल्ली : देशात समलैंगिक विवाहाला कायदेशीर मान्यता देण्याबाबत सर्वोच्च न्यायालयात सुनावणी सुरू आहे. न्यायालय याला मान्यता देईल की नाही हे काही दिवसांत कळणार आहे.
मात्र, याचदरम्यान टीएमसी प्रमुख आणि पश्चिम बंगालच्या मुख्यमंत्री ममता बॅनर्जी यांचे पुतणे अभिषेक बॅनर्जी यांनी समलैंगिक विवाहाचं समर्थन केलंय.
टीएमसीचे सरचिटणीस अभिषेक बॅनर्जी म्हणाले, प्रत्येकाला आपला जीवनसाथी निवडण्याचा अधिकार आहे. या प्रकरणावरून अभिषेक यांनी केंद्र सरकारवरही निशाणा साधला. अभिषेक पुढं म्हणाले, केंद्र सरकार जाणूनबुजून हे प्रकरण लटकवत आहे. मला यावर भाष्य करण्याचा अधिकार नाही, पण माझा विश्वास आहे की प्रत्येकाला जीवनसाथी निवडण्याचा, प्रेम करण्याचा अधिकार आहे. प्रेमाला कोणताही धर्म किंवा जात नसते, असंही त्यांनी स्पष्ट केलं.
TMC नेते पुढं म्हणाले, 'जर मी पुरुष आहे तर मला पुरुष आवडतो, जर मी एक स्त्री आहे, तर मला एक स्त्री आवडते. प्रेमाला कोणतीही सीमा नसते. प्रत्येकाला प्रेम करण्याचा अधिकार आहे. प्रत्येकाला आपला जोडीदार निवडण्याचा अधिकार आहे. मग, तो स्त्री असो वा पुरुष.'
तत्पूर्वी, बुधवारी सर्वोच्च न्यायालयात झालेल्या सुनावणीदरम्यान केंद्र सरकारनं सांगितलं की, 'ते विधिमंडळाच्या कक्षेत येतं आणि या निर्णयाचा समाज, परंपरा आणि विद्यमान कायद्यांवर परिणाम होईल या भूमिकेवर ते अजूनही ठाम आहेत. त्यामुळं सर्व राज्ये आणि केंद्रशासित प्रदेशांना सुनावणीत पक्षकार बनवून त्यांचं मतही न्यायालयानं ऐकून घेतलं पाहिजे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.