नवी दिल्ली: ससा आणि कासवाची गोष्ट सर्वांनाच माहित आहे. दोघांच्या शर्यतीत कासव जिंकल्याची गोष्ट आपण लहानपणापासून ऐकत आहोत. पुन्हा एकदा कासव जीवनाची लढाई जिंकल्याचा व्हिडिओ सोशल मीडियावर व्हायरल झाला आहे.

Video: वृद्ध महिलेला बेशुद्ध होईपर्यंत मारहाण

मगर आणि कासव खरं तर दोन्ही उभयचर प्राणी. पण, मगरीने कासवाची शिकार करण्याचा प्रयत्न केला पण कासवाने आपली अलगद सुटका करून घेतली. व्हायरल झालेल्या व्हिडिओमध्ये पाहायला मिळते की, एक मगर उन्हात बसलेली दिसते. समोरून कासव येताना दिसल्यानंतर मगर त्याला खाण्याचा प्रयत्न करते. कासव आपला जीव वाचवण्यासाठी धडपड करते. कासवाने आपले अंग आपल्या कवचाच्या आत दुमडून घेतले. पण, मगर शिकार करण्याचा प्रयत्न करत होती. मगरीने कासवाला खाण्याचा प्रयत्न केला. पण, अपयशी ठरली. कासव मगरीच्या तोंडातून बाहेर आले आणि आपला जीव वाचवून निघून गेले.

दरम्यान, जीवन-मरणाच्या लढाईतही कासव जिंकले आहे. व्हिडिओ व्हायरल होत असून, नेटिझन्स प्रतिक्रियांच्या माध्यमातून व्यक्त होत आहेत. तुम्हाला जगात टिकायचे असेल तर जाड त्वचा व कणखर मन असणे आवश्यक आहे. आपण त्यांना संधी दिली नाही तर कोणीही आपल्याला तोडू शकत नाही.' असे शीर्षक आयआरएस अधिकारी नावीद त्रुंबो यांनी दिले आहे.