भुवनेश्वर : मध्यम रेंजवर मारा करणारं बॅलेस्टिक क्षेपणास्त्र अग्नि १ चं ट्रेनिंग लॉन्च गुरुवारी यशस्वी ठरलं. ओडिशाच्या एपीजे अब्दुल कलाम बेटावरुन याचं प्रक्षेपण करण्यात आलं. संरक्षण मंत्रालयानं याबाबत माहिती दिली आहे. या ट्रेनिंगलॉन्च दरम्यान सर्व ऑपरेशनल आणि तांत्रिक मापदंड यशस्वी ठरले आहेत. (Training launch of Agni 1 missile successful can fly with 1000 kg nuclear weapons)

क्षेपणास्त्राची क्षमता किती?

अग्नि १ या बॅलेस्टिक क्षेपणास्त्राची रेंज मध्यम स्वरुपाची अर्थात ७०० किमी पर्यंत आहे. तसेच या क्षेपणास्त्राचं वजन १२ टन असून ते आपल्यासोबत १,००० किलो अण्वस्त्र घेऊन जाऊ शकतो. अग्नि १ क्षेपणास्त्राला अत्याधुनिक सिस्टिम प्रयोगशाळेनं संरक्षण संशोधन विकास प्रयोगशाळा आणि रिसर्च सेंटरसह विकसित करण्यात आलं आहे. (Latest Marathi News)

2004 मध्ये लोकार्पण

या क्षेपणास्त्राला हैदराबादस्थित भारत डायनॅमिक्स लिमिटेडनं पूर्ण केलं आहे. या क्षेपणास्त्राला सर्वात आधी सन २००४ मध्ये लोकार्पण झालं आहे. जमिनीवरुन जमीनीवर मारा करण्याऱ्या या क्षेपणास्त्राला मजबूत प्रॉपलँट्सद्वारे तयार करण्यात आलं आहे.