नवी दिल्ली - चीनमधील कोरोना विषाणूंनी जगभर हातपाय पसरायला सुरुवात केल्यानंतर खबरदारीचा उपाय म्हणून सर्वच देशांनी विमानतळांवर स्क्रिनिंग टेस्टला सुरुवात केली होती, यामध्ये भारताचाही समावेश आहे. पण या तपासणीला सुरुवात होण्यापूर्वीच म्हणजे जानेवारीच्या मध्यावधीत चीन आणि अन्य कोरोनाग्रस्त देशांतून मायदेशी परतलेल्या रुग्णांमध्येही कोरोनाची लक्षणे दिसू लागल्याने खळबळ निर्माण झाली आहे.
यातील सतरा रुग्णांना रुग्णालयात दाखल करण्यात आले असून, त्यांच्यावर उपचार सुरू असल्याची माहिती सूत्रांनी दिली. दिल्लीतील आरोग्य विभागाने अशी लक्षणे आढळून आलेल्या काही संशयितांना तपासणीसाठी ताब्यात घेतले आहे. १३ फेब्रुवारीपर्यंत ५ हजार ७०० लोक मायदेशात परतले आहेत, यामध्ये ४ हजार ७०७ संशयितांना जाणीवपूर्वक वेगळे राहण्याच्या सूचना देण्यात आल्या आहेत. अद्याप ८०७ नागरिकांचा पत्ता लागलेला नसल्याचे आरोग्य अधिकाऱ्यांनी सांगितले. हे सगळेजण चीन, हाँगकाँग, थायलंड आणि सिंगापूरमधून मायदेशी आलेले आहेत.
अडकलेल्यांची सुटका होणार
टोकियो : जपानच्या किनाऱ्यावर जहाजामध्ये अडकून पडलेल्या तीन कोरोनाग्रस्त भारतीयांच्या प्रकृतीमध्ये सुधारणा होत असल्याची माहिती सूत्रांनी दिली. या जहाजावरील २१८ जणांना कोरोनाचा संसर्ग झाल्याचे उघड झाले असून, यामध्ये तीन भारतीयांचाही समावेश आहे. या जहाजाला वेगळे ठेवण्यासाठी निश्‍चित करण्यात आलेला कालावधी संपुष्टात आल्यानंतर सर्वांना मायदेशी आणले जाणार असल्याचे भारतीय दूतावासाने म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.