बंगळूर: एका खुनाच्या प्रकरणातील व्यक्तीचा शोध घेण्यासाठी पोलिसांचे श्वान तब्बल 12 किलोमीटर धावले. श्वान घराजवळ गेल्यानंतर वास घेत गुन्हेगाराला पकडून दिले आहे. स्निफर डॉग असून, कर्नाटक पोलिस दलातील श्वानाचे विशेष कौतुक होत आहे.
कर्नाटकच्या दवेंगेरे जिल्ह्यातील ही घटना आहे. पैशांवरून दोघांमध्ये पैशावरून वाद झाला होता. यानंतर चेतन नावाच्या व्यक्तीने चंद्रा नायकवर गोळी झाडली. विशेष म्हणजे ज्या बंदुकीने गोळी चालविण्यात आली, ती बंदूकीची पोलिस स्टेशनमधून चोरी केली होती. चेतनच्या विरोधात अनेक गुन्हे दाखल होते.
पोलिसांनी तपास सुरू केल्यानंतर 10 वर्षीय तुंगा नावाच्या श्वानाची मदत घेतली. चेतन शेवटच्या वेळी जेथे होता, पोलिस तेथे तुंगाला घेऊन गेले. तेथून वास घेत घेत तुंगा 12 किमी धावली व दोन तासानंतर एका घरासमोर जाऊन थांबली. यानंतर पोलिसांनी तपास सुरू केल्यावर, चेतन त्याच घरात आढळला. पोलिसांनी चौकशी केल्यावर त्याने गुन्हा कबूल केला. त्याने हुबली पोलिस स्टेशनमधून बंदूक चोरी केल्याचे देखील मान्य केले. तुंगामुळे या गुन्हेगाराला पकडणे शक्य झाले. या विशेष कामगिरीसाठी पोलिस विभागाने तिचा सन्मान देखील केले. तुंगाने यापूर्वीही 50 खून आणि 60 चोरीची प्रकरणात मोलाची मदत केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.