जम्मू-काश्मीर: जम्मू-काश्मीरमधील बंदीपोरा भागात झालेल्या दहशतवादी हल्ल्यामध्ये (terrorists attack) दोन पोलिस कर्मचारी शहीद झाले आहेत. सध्या सुरक्षा रक्षकांनी या भागाला संपूर्ण बाजूने घेरलं असून सर्च ऑपरेशन सुरु आहे. बंदीपोरामधील (Bandipora district) गुलशन चौक भागात (Gulshan Chowk area) आज पोलिसांवर दहशतवाद्यांकडून अंधाधुंद गोळीबार करण्यात आला. या गोळीबारात दोन पोलिस कर्मचाऱ्यांचा मृत्यू झाला. एसजीसीटी मोहम्मद सुल्तान आणि सीटी फैयाज अहमद अशी या दोन कर्मचाऱ्यांची नावे आहेत. इतर कर्मचारी जखमी झाले आहेत. सध्या या भागाला घेरण्यात आलं आहे. (North Kashmir)

2 डिसेंबरलाही झाला होता हल्ला

2 डिसेंबर रोजीही श्रीनगरमधील डाऊन टाऊन भागातील राजौरी कदलमध्ये दहशतवाद्यांनी ट्राफीक पोलिसावर अचानकच हल्ला केला होता. दहशतवाद्यांच्या या हल्ल्यामध्ये ट्राफीक पोलिस शहीद झाला होता. या हल्ल्यानंतर संपूर्ण शहरामध्ये सुरक्षा वाढवण्यात आली होती. येणाऱ्या-जाणाऱ्या मुख्य रस्त्यांवर विशेष नाके लावण्यात आले होते. आतापर्यंत कोणत्याही दहशतवादी संघटनेने या हल्ल्याची जबाबदारी घेतलेली नाहीये.