श्रीनगर - जम्मू-काश्‍मीरमधील फुटीरतावादी नेते सईद अली गिलानी यांच्या प्रकृतीविषयी व त्यांच्यासंबंधी अन्य कोणत्याही गोष्टींची अनधिकृत माहिती प्रसारित करू नये, असे आवाहन गिलानी यांच्या कुटुंबीयांनी सोमवारी केले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सईद अली गिलानी यांचे राजकीय प्रतिनिधी अब्दुल्ला गिलानी यांच्याकडून गिलानी यांच्याबाबत अधिकृत तपशील मिळाल्याशिवाय कोणतेही वृत्त प्रसिद्ध करू नये, असे निवेदन त्यांच्या कुटुंबीयांनी माध्यमांना दिले असल्याची माहिती वृत्तसंस्थेने दिली. गिलानी यांना आरोग्याच्या अनेक समस्या भेडसावत असून त्यांच्यावर उपचार सुरू आहेत. गिलानी यांची प्रकृती खालावत असून आम्ही गेल्या काही महिन्यांपासून आम्ही शारीरिक व मानसिक ताणाखाली आहोत.

देशात कोरोनाबाधितांची संख्या 31 लाखांवर; सीरमच्या लशीची दुसऱ्या टप्प्यातील चाचणी सुरू 

त्याचबरोबर त्यांच्या राजकीय कारकिर्दीवरून जी उलट-सुलट चर्चा सुरू आहे, त्यामुळे आमच्या खासगी व सार्वजनिक आयुष्‍याचे नुकसान होत आहे. त्यामुळे यापुढे गिलानींच्या प्रकृती किंवा राजकारणाशी संबंधित त्यांची  कोणत्याही माहिती त्यांच्या प्रतिनिधीच्या दुजोऱ्याशिवाय प्रसिद्ध करू नये, अशी विनंती गिलानी यांचे पुत्र डॉ. नईम गिलानी, डॉ. नसीम गिलानी आणि जावई झहरूर उल हक गिलानी यांनी केली.

Edited By - Prashant Patil