उत्तर प्रदेशमध्ये (Uttar Pradesh) सध्या निवडणुकांचे वारे वाहण्यास सुरूवात झाली आहे. काँग्रेस, भाजपसह सर्वच पक्ष आगामी कळातील विधानसभा निवडणुकांसाठी (Assembly Elections) दंड थोपटून मैदानात उतरले आहेत. हिंदू धर्म सर्वांना प्रामाणिकपणा आणि प्रेम शिकवतो. आरएसएस आणि भाजपचे सदस्य मात्र धर्माच्या नावावर राजकारण करतात अशी टीका आज काँग्रेस नेत्या प्रियंका गांधी यांनी व्यक्त केली आहे. तसेच योगी आदित्यनाथ यांचं सरकार विरोधकांचे फोन टॅप करत असल्याचा आरोप देखील त्यांनी केला आहे.

काँग्रेस नेते राहुल गांधी यांची अमेठीत पार पडली. यावेळी राहुल गांधींनी जोरदार निशाणा साधला. त्यानंतर आज रायबरेलीतून प्रियंका गांधींनीही भाजप आणि आरएसएसवर जोरदार टीका केली. सरकारचं काम काय आहे? जनतेच्या समस्या जाणून घेणे, समजून घेणे, त्यावर उपाय शोधणे आणि अत्याचार थांबवण्यासाठी प्रयत्न करणे, ते सोडून हे सरकार विरोधकांचे फोन टॅप करत आहे असा गंभीर आरोप प्रियंका गांधींनी केला.

दरम्यान, समाजवादी पक्षाशी संबंधित सर्वांवर पाळत ठेवण्यात येत असल्याचा आरोप अखिलेश यादव यांनी केला आहे. नेत्यांचे फोन टॅप करून योगी आदित्यनाथ स्वतः संध्याकाळी रेकॉर्डिंग ऐकतात. जर तुम्ही आमच्याशी संपर्क साधत असाल तर तुम्हीही त्यांच्या रडारवर असं अखिलेश यादव यांनी सांगितलं.