नवी दिल्ली- अमेरिकेच्या नौसेनेने भारताच्या एक्सक्लूझीव इकॉनॉमिक झोनमध्ये परवानगीशिवाय ऑपरेशन केल्याचा प्रकार समोर आला आहे. यामुळे दोन्ही देशांमधील राजनैतिक संबंध बिघडण्याची शक्यता निर्माण झाली आहे. स्वत: अमेरिकेच्या ७ व्या फ्लीटने ७ एप्रिलला जारी केलेल्या वक्तव्यात ही माहिती दिली आहे. अमेरिकेच्या ७ व्या फ्लीटने स्व:ता सांगितलंय की, त्यांनी भारताच्या परवानगीशिवाय ऑपरेशन पार पाडले आहे. अमेरिकेचे हे ऑपरेशन भारताच्या मेरिटाईम सेक्युरेटी पॉलिसीच्या विरोधात आहे. अमेरिकेच्या नौसेनेनुसार हे ऑपरेशन लक्षद्वीपपासून १३० नॉटिकल मैल दूर पश्चिमेला करण्यात आले आहे. ७ वी फ्लीट अमेरिकेची सर्वात मोठी नौदल फ्लीट आहे. विशेष म्हणजे हीच तुकडी अमेरिकेने १९७१ मध्ये बांगलादेश मुक्ती संग्रामादरम्यान भारतावर दबाव आणण्यासाठी बंगालच्या खाडीमध्ये पाठवली होती. 'द वायर'ने यासंदर्भातील वृत्त दिलंय.

भारतीय नौसेनेच्या अधिकाऱ्याने नाव न सांगण्याच्या अटीवर सांगितलं की, समुद्र लाभलेला कोणत्याही देशाच्या एक्सक्लूझिव इकॉनॉमिक झोनची सीमा समुद्र किनाऱ्यापासून २०० नॉटिकल मैल म्हणजे ३७० किलोमीटर अंतरापर्यंत असते. या सर्व भागावर, समुद्रातील प्रत्येक संसाधनावर संबंधित देशाचा अधिकार असतो. अशा कोणत्याही भागामध्ये मिलिट्री ऑपरेशनसाठी भारताची परवानगी आवश्यक असते. अशाच प्रकारचे कृत्य अंदमान निकोबारमध्ये चीनच्या नौसेनेने २०१९ मध्ये केले होते. त्यावेळी भारताने चीनला याबाबत ठणकावलं होतं. 

राज ठाकरेंनी केला उद्धव ठाकरेंना फोन, महत्त्वाच्या विषयावर चर्चा

आतापर्यंत या प्रकरणावर परराष्ट्र मंत्रालय किंवा अन्य अधिकाऱ्यांनी प्रतिक्रिया दिलेली नाही. अमेरिकेच्या ७ व्या फ्लीटकडून सांगण्यात आलंय की, 'अमेरिकी नौसेना इंडो-पॅसिफिक रीजनमध्ये प्रत्येक दिवशी ऑपरेशन करते. हे सर्व ऑपरेशन आंतरराष्ट्रीय कायद्यांना लक्षात घेऊन केले जातात. कोणत्याही ठिकाणी ऑपरेशनला सामोरे जाण्यासाठी असं केलं जातं.' अमेरिकेच्या नौसेने पुढे म्हटलं की, 'नियमितपणे फ्रीडम ऑफ नेव्हिगेशन ऑपरेशन आमच्याकडून केलं जातं. याआधीही आम्ही असं केलंय, आणि पुढेही करत राहू. हे केवळ एका देशाशी संबंधित नाही.' अमेरिकी नौसेना अशा प्रकारचे ऑपरेशन वादग्रस्त दक्षिण चीन समुद्रामध्ये सुद्धा करत असते. 

सीआरपीएफबाबत वक्तव्य, ममतादीदींना निवडणूक आयोगाची आणखी एक नोटीस

माजी नौदल अधिकाऱ्याने अमेरिकेच्या कृतीवर उपस्थित केले प्रश्न
माजी नौदल अधिकारी अरुण प्रकाश यांनी ट्विट करुन म्हटलंय की, अमेरिकेकडून दक्षिण चिनी समुद्रात करण्यात आलेले फ्रीडम ऑफ नेविगेशन ऑपरेशन चीनला उत्तर देण्यासाठी म्हणून पाहिलं जातं होतं. त्यामुळे अमेरिकी नौसेनेने भारतीय हद्दीत ऑपरेशन करुन कोणता संदेश दिलाय?