Uttar Pradesh : दिल्लीतील श्रद्धा हत्याकांडाने देश हादरुन गेलेला असतांना आणखी एक खळबळजनक घटना घडली आहे. या घटनेमध्ये एक्स गर्लफ्रेंडचा खून करुन तिचे सहा तुकडे करण्यात आलेले आहेत. मृत तरुणीने दुसऱ्यासोगबत लग्न केल्याने आरोपीने तिचा काटा काढल्याची माहिती मिळतेय.

आझमगडमध्ये ही घटना घडली आहे. एका तरुणीचा मृतहेद विहीरीमध्ये छिन्नविछिन्न अवस्थेत सापडला होता. आरोपी प्रिन्स यादव याने तिचा गळा आवळून खून केला. त्यानंतर मित्राच्या मदतीने त्याने तिच्या शरीराचे सहा तुकडे केले. ते तुकडे त्याने एका पिशवीमध्ये पॅक करुन विहिरीमध्ये फेकले. त्यानंतर तिचं शीर त्याने एका तलावात फेकलं.

हेही वाचाः Shraddha Walker Case: वेबसीरीज ठरतेय का गुन्ह्यांचं गाइडबुक?

पोलिसांना याबाबत माहिती मिळाल्यानंतर प्रिन्स यादवला अटक करण्यात आली होती. पोलिसांच्या तावडीतूनदेखील त्याने पळून जाण्याचा प्रयत्न केला. पोलिसांसोबत झालेल्या चकमकीमध्ये त्याला गोळी लागली. मृत तरुणीने दुसऱ्याशी लग्न केल्याने प्रिन्सने तिचा गळा दाबून खून केला. तिकडे दिल्लीतील श्रद्धा खून प्रकरणात रोज नवनवे खुलासे होत असतांना उत्तर प्रदेशातल्या या घटनेने खळबळ उडाली आहे.