पावसाळ्याच्या आधी नाले आणि गटारींची सफाई न केल्याने ते तुंबतात. परिणामी पाणी नाल्यांचे पाणी रस्त्यावरून वाहू लागते. यामुळे वाहतूक करताना नागरिकांना अनेक अडचणींना समोरे जावे लागते. तसेच पादचाऱ्यांनाही मोठ्या त्रासाला सामोरे जावे लागते. अनेकवेळा ही परिस्थिती रस्ते अपघाताचे कारण बनते. बऱ्याचवेळा आपण असे काही व्हिडिओ सोशल मीडियावरही पाहिलेले असतात.

गटारामध्ये साचलेल्या पाण्यामुळे अनेकांचा जीव धोक्यात आला आहे. आपण असे अनेक व्हिडिओ पाहिले आहेत. त्यात नाल्यातून वाहून जाताना किंवा अंदाज न आल्याने ड्रेनेजमध्ये बुडल्याने लोकांना जीव गमवावा लागला आहे. दरम्यान, नुकताच असाच एक व्हिडीओ व्हायरल होत आहे. ज्यामध्ये एक वृद्ध व्यक्ती डोळ्यादेखत रस्त्याच्या कडेला असलेल्या गटारात वाहून गेला आहे.

सध्या हा व्हिडिओ सोशल मीडियावर व्हायरल होत असून पावसाळ्यात साचलेल्या पाण्यातून जाताना सावधान राहिले पाहिजे हे लक्षात येते. या व्हायरल व्हिडिओतून असं दिसत आहे की, सुरुवातीला एक दूचाकीस्वार वृद्ध व्यक्तीला रस्त्याच्या बाजूला सोडून पुढे जातो. त्यानंतर वृद्ध व्यक्ती हळूहळू पुढे सरकत येताना दिसत आहे. रस्त्याच्या कडेला पावसाचे पाणी तुंबलेले दिसत आहे. दरम्यान, वृद्ध व्यक्ती पाण्यात पाय ठेवत रस्त्याच्या कडेला येण्याचा प्रयत्न करत आहे.

ती व्यक्ती पाण्याच्या मध्ये उभी असल्याने स्वत:ला सांभाळता पुढे येताना दिसत आहे. मात्र पाण्याच्या प्रवाहात तोल गेल्याने ती व्यक्ती थेट नाल्यात पडली आहे. दरम्यान, यानंतर तिथे असणारे लोक त्यांच्या मदतीसाठी धावले. लोकांनी सतर्क राहून त्या वृद्धाला गटाराच्या दुसऱ्या उघड्या भागातून बाहेर काढले. हा व्हिडिओ सध्या सोशल मीडियावर व्हायरल झाला असून लोकांच्या प्रतिक्रिया येत आहेत.