Viral Video: सोशल मीडियावर एक अतिशय खतरनाक व्हिडिओ व्यायरल होत आहे.यामध्ये आपण जमीन खचतांना पाहु शकतो. यावेळी एक महिला त्यात पडली देखील. ही घटना एका शॉपिंग मॉलमध्ये घडली आहे.

एका मॉलमध्ये महिला शॉपिंगसाठी आली होती. मात्र पुढे काय होणार हे तिला माहीत नव्हंत. यामुळे ती मॉलमध्ये भटकत होती अचानक जमीन खचली अन् ती त्यात पडली. घटनेमागील कारण शोधण्याचे प्रयत्न सुरू आहेत.(china shopping mall)

हा व्हिडिओ सोशल मीडियावर व्हायरल होत आहे. यामध्ये महिला हातात काही पिशव्या घेऊन जाताना पाहायला मिळत आहे. मात्र जमीन खचते आणि सगळीकडे धूळ उडू लागते.

ही घटना पूर्व चीनमध्ये घडली आहे असे म्हटले जात आहे. 23 मार्च रोजी ही घटना घडली असे वृत्त आहे. ही सर्व घटना CCTV मध्ये कैद झाली आहे. महिले सोबतच मॉलमधील बरेच सामानही जमिनीत पडल्याचे पहायला मिळाले.

एका वृत्तानुसार येथे काम करणारा एक बांधकाम कामगारही ढिगाऱ्याखाली अडकला होता. त्याच्या पायाला दुखापत झाली होती. घटनेनंतर तातडीने अग्निशमन दलाला पाचारण करण्यात आले. घटनास्थळी पोहोचताच त्यांनी मदत आणि बचावकार्य सुरू केले.