West Bengal Assembly Election 2021 : पश्चिम बंगालच्या विधानसभा निवडणुकीचा प्रचार आता चांगलाच रंगला आहे. राज्यात लसीकरणादरम्यान मोदींचा फोटो वापरल्याबद्दल निवडणूक आयोगानं भाजपाला फटकारल्यानंतर सोमवारी मुख्यमंत्री ममता बॅनर्जी यांनीही भाजपावर सडकून टीका केली. ही कोविड लस नव्हे, मोदी लस आहे, अशा शब्दांत ममतांनी मोदींवरही जोरदार हल्ला चढवला. तसेच भारतही लवकरच मोदींच्या नावाने ओळखला जाईल असा खोचक टोला लगावला.

भाजपसाठी पाच राज्यांची निवडणूक आव्हानात्मक; ओपिनियन पोलचा अंदाज

बॅनर्जी म्हणाल्या, "लसीच्या प्रमाणपत्रावर त्यांनी आपला फोटो वापरला. ही कोविड लस नव्हे मोदी लस आहे. त्यांनी कॉलेजेसला, स्टेडिअमला आणि लसीला आपलं नाव दिलं. हा काळाचा महिमा आहे. ते लवकरच भारताचं नावही बदलून आपलं नाव ठेवतील."   

पश्चिम बंगालमध्ये ममतांना भाजपचा 'पंच'; निवडणुकीआधीची मोठी खेळी 

पश्चिम बंगालमध्ये सुरु असलेल्या लसीकरणादरम्यान लस घेतलेल्या लोकांना देण्यात आलेल्या प्रमाणपत्रावर मोदींचा फोटो वापरण्यात येत होता. यावर निवडणूक आयोगाने आक्षेप घेत हा प्रकार आदर्श आचारसंहितेचे उल्लघन असल्याचं म्हटलं होतं. 

Puducherry Opinion Poll: काँग्रेसच्या हातून आणखी एक राज्य जाणार?

त्याचबरोबर जगातील सर्वात मोठ क्रिकेट स्टेडिअम अशी ओळख असलेल्या गुजरातमधील वल्लभभाई पटेल मोटेरा स्टेडिअमचं नाव बदलून मोदी स्टेडिअम ठेवण्यात आलं आहे. यावरुनही देशाच्या राजकारणात मोठा खळबळ उडाली होती.